अंजोर.अम्बिकापुर, 3 जून 2021। प्रदेश के खाद्य मंत्री अमरजीत भगत ह जनपद पंचायत बतौली ले पंचायत बांसाझाल म नवा बने हेल्थ वेलनेस सेण्टर के विधिवत पूजा अर्चना करके शुभारंभ करिन। शुभारंभ मउका म मंत्री श्री भगत ह किहिन के हमर सरकार के प्राथमिकता गांव-गांव म स्वास्थ्य सुविधा पहुंचाये के हावय। अब तक जेन गांव म स्वास्थ्य केंद्र नइ बने हावय उहां स्वास्थ्य केंद्र के निर्माण करके हेल्थ एंड वेलनेस सेंटर के रूप म विकसित करे जात हावय। ओमन किहिन के बांसाझाल जइसे दूरस्थ गांव म स्वास्थ्य केंद्र खुल जाये ले वनांचल के गांव वाला ल स्वास्थ्य सुविधा मुहैया होही। ए अस्पताल म लोगन के सुविधा ल धियान म रखत जरूरी व्यस्था करें गे हावय।
मंत्री श्री भगत ह किहिन के अभी के बेरा म कोविड ले बचाव सबले अहम हावय। येकर खातिर अस्पताल म टेस्टिंग अउ जरूरी दवई के उपलब्धता सुनिश्चिय हो। कोविड काल म डॉक्टर अउ स्टाफ ह अपन पूरा क्षमता ले दायित्व निर्वाहन करिन हावय जेन प्रशंसनीय हावय। इही रकम ले बुता करत रिहिन अउ लोगन के भरोसा पाही। ये मउका म जनपद अध्यक्ष श्रीमती सुगिया मिंज, उपाध्यक्ष प्रदीप गुप्ता बीएमओ संतोष सिंह, जनपद सीईओ विजय नारायण श्रीवास्तव सहित आन जनप्रतिनिधि, अधिकारी अउ कर्मचारी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।