अंजोर.कांकेर, 8 जून 2021। कलेक्टर चन्दन कुमार के मार्गदर्शन म जिला ल सुपोषित बनाये अउ महिला मन अउ नोनी मन ल एनिमियामुक्त करे के खातिर सरलग प्रयास करे जात हावयं। कुपोषण अउ एनीमिया ले मुक्ति के खातिर जिला म मुख्यमंत्री सुपोषण अभियान के क्रियान्वयन करे जात हावय, जेकर तहत् 14 हजार 433 लइका अउ 8 हजार 149 एनिमिक महिला मन ल रोज पौष्टिक गर्म भोजन अउ अण्डा प्रदाय करे गिस, येकर बढि़या परिणाम आगू आये हावयं।
मार्च 2020 म जिला म जिहां कुपोषित लइका के संख्या 8725 रिहिस, वो ह घटके मार्च 2021 म 7411 हो गे हावय, संग ही 7294 महिला एनीमिया मुक्त होए हावयं। जनवरी 2021 ले मुख्यमंत्री सुपोषण अभियान के मेनू म परिवर्तन करत एला जादा प्रभावी बनाये बर 7411 कुपोषित लइका अउ 11205 गर्भवती अउ पोषक माता अउ 15 ले 49 साल के एनिमिक महिला मन के रोज संझा के सुपोषण दूत के माध्यम ले रागी के पौष्टिक हलवा अउ कोदो ले बने पौष्टिक खिचड़ी के प्रदाय उंकर घर तक पहुंचाके करे जात हावय। येकर अलावा पंचायत मन के माध्यम ले हितग्राही मन ल अण्डा के वितरण भी करे जात हावय, जेकर ले कांकेर जिला सुपोषण के रसता म सरलग बढ़ हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।