अंजोर.जांजगीर, 8 जून 2021। चैकी अड़भार के गुम इंसान क्र. 24/2021 ठाकेन्द्र देवांगन पिता शिवदयाल देवांगन उमर 20 साल साकिन अड़भार दिनांक 29.04.2021 के गुम हो गे रिहिस। ये प्रकरण म विशेष टीम के गठन करके पतासाजी करे जात रिहिस इही बखत संदेही अजय देवांगन ले बारीकी ले पूछताछ करे म उन बताइन के गुम इंसान ठाकेन्द्र देवांगन के डहर ले उंकर परिवार ल परेशान करे जात रिहिस जेकर चलत वो हा गुम इंसान (ठाकेन्द्र देवांगन) के गला घोटकर हत्या करके डीबी पावर प्लांट के मजदूर यार्ड म शव के फेंक के 15 फीट राखड़ ले ढक दीस, जेकर उत्खनन कराइन अउ शव के पोस्टमार्टम कराये के बाद शव ल परिजन के सुपुर्द करिन। ये मामला म थाना मालखरौदा म अप. क्र. 174/2021 धारा 302, 201 भादवि के अपराध पंजीबद्ध करके आरोपी अजय देवांगन उमर 40 साल ल गिरफ्तार करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।