Kabirdham District : चौका चुल्हा अउ रसोई बुता ले उबरके महिला समूह सुरू करिस प्रिंटिग प्रेस

अंजोर
0

अंजोर.कवर्धा, 14 जून 2021। रसोई के कामकाज अउ अपन घर के आपसास के महिला मन के बीच दिन भर समय बितइया कबीरधाम जिला के एक छोटे से गांव के ये महिला मन अब ग्रामीण आजीविका ले जुड़ करके सरकारी कामकाज के खातिर रजिस्टर अउ प्रिंटिग के काम करत रही हावय। बोड़ला विकासखण्ड के गांव राजानंवागांव अउ आसपास गांव के दस महिला अपन जीवन ल बदलने के खातिर गौरी स्व-सहायता समुह तइयार करिस। सरकारी मदद ले ए महिला समूह ल प्रिंट प्रेस के कामकाज के खातिर प्रशिक्षण दे गिस। समुह ल राजानवागांव म संचालित भोरमदेव आजीविका परिसर ले जोड़े गिस। 

प्रशिक्षण ले के बाद समुह ह प्रिंटिंग प्रेस के कामकाज शुरूआत करिस। महज छः महीना के भीतर ए समूह के जिला के लभगभ पांच सौ ले जादा समूह के खातिर रजिस्टर अउ आन स्टेशनरी तइयार करे के आर्डर मिलिस। समुह ह दिनरात कड़ा मेहनत करके महिला समूह डहर ले उपयोग करे जाये वाला पांच रकम के रजिस्टर के बाइंडिंग, पिनिंग, नंबरिंग, कटिंग, बइठक के कार्यवाही पुस्तिका, लेनदेन पत्रक, लेजर रजिस्टर, मासिक प्रतिवेदन अउ व्यक्तिगत सदस्य पासबुक तइयार करिस।

गौरी कृपा महिला स्व-सहायता समूह ह अपन सबो आर्डर पूरा करिस। ए काम म गौरी कृपा महिला स्व-सहायता समूह ल लगभग एक लाख तीस हजार रूपिया के शुद्ध आमदनी होए हावय। गौरी कृपा महिला स्व-सहायता समूह के अध्यक्ष श्रीमती शोमी श्रीवास ह कवर्धा म आयोजित 224 करोड़ 74 लाख रूपिया के लोकार्पण अउ भूमिपूजन के दिन वीडिया कांफ्रेसिंग के माध्यम ले मुख्यमंत्री भूपेश बघेल ले वनटूवन बात करत अपन प्रिंटिंग प्रेस के काम काज के जानकारी दीस। ओमन सरकारी मदद के खातिर छत्तीसगढ़ सरकार अउ मुख्यमंत्री श्री बघेल के प्रति आभार भी व्यक्त करिस।

राष्ट्रीय ग्रामीण आजीविका मिशन बिहान ले जुड़के स्व-सहायता समूह के महिला मन अपन काम अउ गतिविधी ल उद्योग के रूप म आगू बढ़ात हावयं। कबीरधाम जिला के विकासखंड बोड़ला के गांव राजानवागांव के भोरमदेव आजीविका परिसर म गौरी स्व-सहायत समूह डहर ले संचालित प्रिंटिंग प्रेस के काम आर्थिक लाभ के खातिर एक बड़ा जरिया बन गे हावय। प्रिंटिंग प्रेस बुता के बारे म जानकारी देत समूह के अध्यक्ष श्रीमती शोमी श्रीवास ह बताइन के पाछु 6 महीना ले उंकर डहर ले समूह के उपयोग के खातिर रजिस्टर तइयार करे जात हावय। 

ए काम ल करे के खातिर जिला स्तर के अधिकारी मन डहर ले समुह ल प्रशिक्षित करे गिस अउ सरलग प्रोत्साहित करत ओ मनला बिजनेस के संभावना के बताइन। इही वहज हावय से आज हमर डहर ले तइयार करे रजिस्टर कबीरधाम जिला के सबो विकास खंड के महिला समूह उपयोग म लात हावयं येकर ले हमर भी फायदा होत हावय। प्रति सेट मार्जिन मनी मिलाके लगभग एक लाख तीस हजार रूपिया के शुद्ध फायदा होइस हावय। जेन ल हमर खातिर उत्साहवर्धन के संग हमर लघु उद्योग ल अउ आगू बढ़ाये म मददगार सिद्ध होही। अब हम स्क्रीन प्रिंटिंग के काम म आगू बढ़ये के बनाये हन, जेकर ले आस-पास के क्षेत्र के कारड प्रिंट सहित अउ काम मिल सके।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !