बिलासपुर के जीवनदायिनी अरपा नदी के संरक्षण अउ संवर्धन खातिर मुख्यमंत्री ल अरपा बचाओ संगठन के ज्ञापन

अंजोर
0

अंजोर.बिलासपुर, 14 जून 2021। बिलासपुर के जीवनदायिनी अरपा नदी ल बचाये खातिर अरपा बचाओ अभियान के संयोजक डॉ. सोमनाथ यादव डहर ले मुख्यमंत्री भूपेश बघेल ल ज्ञापन सउपे गे हावय। संगठन कोति ले अवगत कराये गे हावय के  अरपा नदी बचाओ अभियान के तहत बिलासा कला मंच बिलासपुर के सदस्य मन डहर ले केऊ साल ले अरपा नदी के उद्गम अमरपुर पेंड्रा ले संगम गांव मंगला पासीद, बिल्हा तक के तीन दिनी यात्रा करे, जेमा नदी, तालाब, खेत, वृक्ष, पर्यावरण के संरक्षण, संवर्धन बर जनजागरण अभियान चलाये जाथे। बेरा-बेरा म हमन शासन-प्रशासन ल अरपा नदी अउ सहायक नदी नाला म व्याप्त समस्या अउ लोगन के परेशानी ल सरकार तक पहुंचाथन। 
महोदय, तुँहर डहर ले अरपा नदी के उद्गम अउ आन समस्या के गम्भीरता ल लेवत समय मुताबिक कार्यवाही भी करे गे हावय, गत दिन हमन यात्रा के बखत जेन देखेन अउ लोगन ह बताइन उंकर बिंदुवार मांग पत्र अइसन हावय-  
1. अरपा नदी के दुनों किनारा म गांव लोखड़ी ले लावर तक गंदा पानी निकासी बर नाला निर्माण करे जाए।
2. गंदा पानी के ट्रीटमेंट प्लांट गांव लावर पास बनाये जाए, अऊ वो पानी ल आगू अरपा नदी म छोड़े जाए या किसान मन ल या एनटीपीसी सीपत ल दे दीस जाए। बांचे गाद ल खातु के रूप म उपयोग म लाये जाए।
3. अरपा नदी के किनारे के सैकड़ों एकड़ लगानी जमीन पानी म बहगे हावय, जेमा अधिकांश किसान मन के मुआवजा अभी तक नइ मिले हावय, ओला तुरते दे जाए। 
4. अरपा नदी के कटाव रोके बर रिटर्निंग वाल बनाये जाए।
5. अरपा नदी म कोनी ले तोरवा तक सिल्ट हावय, जेमा कोनी ले तोरवा तक के सिल्ट ल हटाई जाए, अभी सिल्ट हटाये के काम बहुत ही धीमी हावय जेमा तेजी लाने के जरूरत हावय।
6. अरपा नदी के किनारा म देशी पेड़ लगाये जाए, जेकर ले हरियाली के संग कटाव रुकही अउ पानी रिचार्ज होही।
7. बिलासपुर नगर के बरसाती नाला "जवाली" जेन समय के मुताबिक आज गंदा पानी निकासी के केंद्र बनगे हावय, ओकर चौड़ाई लघियात के बढा़ये जाए अउ निर्माण बुता शुरू के जाए (अभी डाक्टर सिहारे क्लीनिक ले जूना बिलासपुर तक के निर्माण बुता बन्द हावय)।
8. घुरू अमेरी, नेहरूनगर के तनि ले बोहा के आने वाला बरसाती पानी पत्रकार कालोनी, ओम नगर, जरहाभाठा उक क्षेत्र म भर जाथे, ये बरसाती पानी ल जतिया तालाब म डाले जाए, उही रकम ले रेलवे क्षेत्र के बरसाती पानी तोरवा क्षेत्र म भरत हावय वो पानी ल बंधवा तालाब म भी डाला जा सकत हावय।
9. अरपा नदी म गांव कोनचरा, बेलगहना ले लेके लिंगियाडीह, तोरवा बिलासपुर तक रेत के अवैध अउ हद ले जादा उत्खनन होत हावय, जेकर ले अरपा नदी के अस्तित्व खतरा म हावय,  उहे जिला प्रशासन ठोस कार्रवाई करे म असफल रेहे हावय, एमा लघियात ही कार्यवाही करे जाए।
10. अरपा नदी के उद्गम अमरपुर पेंड्रा म अभी तक कुछ भी बुता शुरू नइ होए हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !