अंजोर.बलौदाबाजार, 12 जून 2021। अवैध शराब बिक्री म रोकथाम लगाये खातिर थाना भाटापारा ग्रामीण पुलिस कोति ले गांव तरेंगा अउ रोहरा म रेड कार्यवाही करे गिस। जेमा भारी मात्रा म अवैध शराब बरामद होए के आरो मिले हावय। अवैध शराब बिक्री करइया 2 शराब कोचिया के अलग-अलग मामला म गिरफ्तार तको होए हाबे। पुलिस कोति ले मिले आरो के मुताबिक आरोपी मन कोति ले 163 पाव देशी मशाला शराब कुल 29.3 बल्क लिटर कीमती 16300 रूपिया के जप्ती करे गे हावय। आरोपी अमर यदु उर्फ छोटू पिता मनहरण यदु निवासी गांव तरेंगा अउ लोकेश्वर यदु पिता संजू यदु 27 साल निवासी गांव रोहरा के खिलाफ आगू के कार्यवाही करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।