खातु के स्टॉक म गड़बड़ी के येती पलारी विकासखण्ड के सहकारी समिति अमेरा प्रबंधक ल नोटिस

अंजोर.बलौदाबाजार,16 जून 2021। कलेक्टर सुनील कुमार जैन के निर्देश म किसान मन ल पर्याप्त मात्रा म उर्वरक उपलब्ध हो येकर खातिर सरलग कृषि विभाग डहर ले जिला के आने-आने सोसायटी अउ निजी कृषि दुकान के सरलग निरीक्षण करके स्टॉक मिलान करे जात हावय। इही पांत म उप संचालक कृषि संत राम पैकरा के नेतृत्व म कृषि विभाग के टीम ह पलारी अउ बलौदाबाजार विकासखण्ड के आने-आने सहकारी समिति अउ निजी उर्वरक बेचे केन्द्र के निरीक्षण करिन। ए बखत पलारी विकासखण्ड के ले सहकारी समिति अमेरा म उर्वरक के स्टॉक म अनियमितता पाये गिस। समिति के पीओएस मशीन म उपलब्ध स्कंध 325.91 मैट्रिक टन के विरूद्ध भौतिक रूप ले केवल 132.21मैट्रिक टन उर्वरक ही पाये गिस। कुल 193.70 मेट्रिक टन उर्वरक किसान मनके बिना पीओएस मशीन ल ही बेच दे गे हावय। जेकर समायोजन समिति डहर ले करे जाना हावय। ए संबंध म समिति प्रबंधक दुष्यंत कुमार साहू ल तुरते कारण बताओ नोटिस जारी करे गे हावय। 

इही रकम ले सिमगा विकासखण्ड म उर्वरक निरीक्षक सह वरिष्ठ कृषि विकास अधिकारी अखिलेश दत्त दुबे डहर ले निजी उर्वरक बेचे केन्द्र अउ सहकारी समिति मन के निरीक्षण करे गिस। ए बखत 18 सहकारी समिति मन म अनियमितता पाये जाये म सबो प्रबंधक ल कारण बताओं नोटिस जारी करिन गे हावय। ओमन बताइन के सहकारी समिति विश्रामपुर म पीओएस मशीन म उपलब्ध स्कंध 269.579 मैट्रिक टन के विरूद्ध भौतिक रूप ले 24.03 मेट्रिक टन अउ सहकारी समिति पौसरी म च्वै के 27.05 मेट्रिक टन उर्वरक के विरूद्ध भौतिक रूप ले 0.1 मेट्रिक टन उर्वरक पाये गिस। जेला के जवाब-तलब करे गे हावय। जिला म इही रकम ले आन विकासखण्डो म भी उर्वरक निरीक्षक के डहर ले सबो निजी अउ सहकारी उर्वरक बेचे केन्द्र म उपलब्ध स्कंध के सत्यापन करे जात हावय। संग ही अनियमितता पाये जाये म कलेक्टर के निर्देश म सख्त कार्रवाई करे जात हावय। विक्रेता मनके नियमानुसार पीओएस मशीन, बायोमेट्रिक ले ही उर्वरक बेचे के समझाईश दीस। 

जेन भी उर्वरक बिना पीओएस के ही बेचे गे हावय। ओकर लघियात ही समायोजन करे के निर्देश दे गे हावय। जेकर ले जिला के अवइया खरीफ बर मांग मुताबिक उर्वरक उपलब्ध हो सकें। जानबा होवय के शासन के निर्देश के मुताबिक सबो उर्वरक विक्रेता के डीबीटी (उर्वरक) योजनान्तर्गत पास मशीन, बायोमेट्रिक, कंप्यूटर या मोबाईल एप्पलीकेशन म प्रयोग करके उर्वरक बेचे के निर्देश पहिली म दे गे हावय।