अंजोर.रायपुर, 8 मई 2021। 18 बछर ले आगर उमर वाले ल कोरोना के टीका लगाये के उदीम आज ले फेर शुरू होगे। जानबा होवय के न्यायालय कोति ले मिले आदेश के बाद अब एक/तीन के आंकड़ा म अंत्योदय, बीपीएल, एपीएल के हितग्राही मनला टीका लगाये जावत हावय। रायपुर पश्चिम विधानसभा विधायक अउ संसदीय सचिव विकास उपाध्याय के प्रयास ले आज पंडित दीनदयाल उपाध्याय ऑडिटोरियम म रातों रात टीकाकरण के खातिर बेवस्थात करे गिस। अउ बिहनिया ले टीका लगाये के शुरू तको होगे। मिले आरो के मुताबिक उहां 18 बछर ले आगर के लोगन मनला टीका लगाये के खातिर तीन काउंटर बनाये गे हावय। जिहां अंत्योदय, बीपीएल, एपीएल हितग्राही मनला टीका लगाये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।