एनएमडीसी के कर्मचारी मनला विशाखापटनम, हैदराबाद अउ आन्ध्रप्रदेश आए-जाए के मनाही

अंजोर.दंतेवाड़ा, 6 मई 2021। देश म कोरोना के दूसरइया लहर दिन बदिन खतरनाक होत जात हावय। सरलग बढ़त कोरोना के मामला के बीच जिला प्रशासन के चिंता भी बढ़ चुके हावय, जिला प्रशासन डहर ले कोरोना के सरलग बढ़त मामला के सेती जिला म कड़ा पाबंदी लागू कर दे गे हावय। नवा ए.पी. स्ट्रेन के संक्रमण के सेती एनएमडीसी कार्यरत अधिकारी, कर्मचारी अउ उंकर परिवार के सदस्य मन के विशाखापट्नम, हैदराबाद अउ आन्ध्रप्रदेश के शहर म जाये म सख्ती ले रोक लगाये गे हावय। आन्ध्रप्रदेश ले आवइया सबो अधिकारी, कर्मचारी अउ ठकेदार ल अपन परियोजना म प्रवेश नइ दे जावे। आवश्यक होए म अनुविभागीय अधिकारी बड़े बचेली के अनुमति बाद कोविड टेस्ट कराके अनिवार्यतः 10 दिन के संस्थागत क्वारेंटाईन के शर्त म ही जिला म प्रवेश दे जा सकही।