होम आइसोलेशन म रहिके डिप्टी कलेक्टर के माता-पिता जितिस कोरोना के जंग

अंजोर.रायपुर,2 मई 2021। कोविड-19 के संक्रमण ह समाज के हर वर्ग अउ हर उमर वर्ग के लोगन ल प्रभावित करत हावय। राज्य राजस्व सेवा छत्तीसगढ़ के अधिकारी दिव्या वैष्णव भी एक अइसे ही अधिकारी हावय जेन वर्तमान म राज्य के माननीय गृहमंत्री के ओएसडी हावय। उंकर परिवार भी ए कोरोना के चपेट म आये रिहिस।

डिप्टी कलेक्टर दिव्या वैष्णव ह बताइन के 15 अप्रैल 2021 के मोर पिता- माता अउ बहन के कोविड टेस्ट म पॉजिटिव आए रिहिस। सबो बहुत चिंतित रिहिस  काबर के वो समय रायपुर जिला कोरोना के भयावह संक्रमण ले गुजरत रिहिस। मोर बात डॉ. अंजली शर्मा नायाब तहसीलदार अउ नोडल होम आइसोलेशन कंट्रोल रूम रायपुर ले होइस। ओमन बहुत सरल तरीका ले रायपुर म संचालित कंट्रोल रूम के बारे म अउ होम आइसोलेशन रजिस्ट्रेशन लिंक के बारे म जानकारी दीस। 

होम आइसोलेशन के टीम सरलग हम सबो के संग संपर्क करत रिहिस। नगर निगम जोन क्रमांक- 06 के अधिकारी मन अउ कर्मचारी मन ह हर संभव मदद करिस। होम आइसोलेशन वेब लिंक के माध्यम ले हमन ल डॉ. निलय मोझरकर असाइन होइन। ओमन बहुत अच्छा ले पूरा परिवार के चिकित्सकीय देखभाल करिन। होम आइसोलेशन बखत के 17 दिन बाद वो सबो स्वस्थ हावय। कोनो चिकित्सकीय शिकायत नइ हावय। येकर श्रेय होम आइसोलेशन रायपुर के पूरा टीम ल जाथे। दिव्या वैष्णव ह आइसोलेशन कंट्रोल रूम रायपुर के सबोच सदस्य मन के प्रत्यक्ष अउ अप्रत्यक्ष सहयोग बर हार्दिक धन्यवाद दे हावय अउ किहिन हावय के आप सबो अइसे ही सकारात्मक ऊर्जा, कर्तव्यनिष्ठा अउ विश्वास के संग कोरोना के विरुद्ध ए जंग म अपन योगदान देत राहव, हार्दिक शुभकामनाएं।