मई अउ जून महीना के राशन बांटे के शुरू करिन मंत्री श्री लखमा

अंजोर.सुकमा, 03 मई 2021। उद्योग अउ आबकारी मंत्री कवासी लखमा ह केरलापाल गांव पंचायत के हितग्राही मनला मई अउ जून महीना के एकमुश्त खाद्यान्न प्रदान करिन। ओमन सुकमा जिला म केरलापाल के पीडीएस दुकान म अंत्योदय राशनकार्डधारी श्रीमती सोमारी यादव, श्रीमती बालमति ल दू महीना के मुफ्त 70 किलो चावल, गुड़, चना अउ शक्कर प्रदान करिस। येकर संग ही प्राथमिकता राशनकार्ड धारी श्रीमती सरोजनी बघेल, श्रीमती फूलमती यादव अउ श्रीमती पूनम यादव ल भी खाद्यान्न के वितरण करिस। हितग्राही मन ह मुख्यमंत्री भूपेश बघेल के प्रति आभार व्यक्त करत कोविड महामारी के प्रकोप के बखत गरीब लोगन के प्रति राज्य शासन के संवेदनशीलता के खातिर धन्यवाद दीस।

जानबा होवय के छत्तीसगढ़ शासन डहर ले कोविड-19 के संक्रमण के प्रबंधन बर राज्य म सार्वजनिक वितरण प्रणाली म अन्त्योदय, प्राथमिकता, निःशक्तजन, एकल निराश्रित अउ अन्नपूर्णा श्रेणी के राशनकार्ड धारक ल महीना मई 2021 अउ जून 2021 के खातिर चाउंर ल एकमुश्त वितरण करे जात हावय।