संकटकाल म तको किसान मनला मिलही खातु अउ बीजहा

अंजोर.रायपुर, 12 मई 2021। कोरोना संकट के बावजूद राज्य के किसान मन के हित के अनदेखी अउ उंकर जरूरत ल पूरा करे म कोनो भी रकम की कमी नइ आने देवय सरकार। खरीफ सीजन 2021 के धियान म रखत राज्य सरकार किसान मन के डिमांड के अनुरूप न सिर्फ खातु अउ बीजहा के बेवस्था म जुट गे हावय, बल्कि तेजी ले इंकर भंडारण समिति मन म कराना शुरू करके दे हावय। खरीफ के खातिर खातु- बीजहा के डिमांड ल देखत अब तक समिति मन म लगभग 45 फीसद खातु अउ 25 फीसद प्रमाणित बीज के भंडारण करा दे गे हावय। खाद बीज के भंडारण के ये प्रक्रिया अनवरत रूप ले जारी रइही। किसान भाई समिति ले अपन जरूरत के मुताबिक खातु- बीजहा के उठाव कर सकही।

मुख्यमंत्री ह किहिन के खरीफ 2021 के तैयारी के खातिर किसान मन ल पइसा के जरूरत पड़ही। इही ल धियान म रखत राज्य सरकार ह किसान मन के राजीव गांधी किसान न्याय योजना के तहत अवइया 21 मई के कृषि मनला मदद के रूप म पहिली किस्त के रकम उंकर खाता म अंतरित करही, जेकर ले किसान भाई खेत के तइयारी के संग संग आन कृषि जरूरत ल पूरा कर सकही।

कृषि मंत्री रविंद्र चौबे ह बताइन के खरीफ़ 2021 के खातिर राज्य म आने-आने रकम के बीजहा के 9 लाख 52 हज़ार 500 क्विंटल मांग ल देखत अब तक 6 लाख 87 हजार 32 क्विंटल प्रमाणित पैक्ड बीजहा के उपलब्धता सुनिश्चित कर ले गे हावय, जेमा ले 2 लाख 33 हजार 423 क्विंटल बीज के भंडारण समिति म करा दे गे हावय। समिति म भंडारित बीजहा के मात्रा कुल मांग के 25 फीसद हावय। ओमन बताइन के राज्य म खरीफ 2021 सीजन के खातिर आने-आने रकम के रासायनिक उर्वरक मन के लक्ष्य 11 लाख 75 हजार मैट्रिक टन करार हावय, जेमा 5 लाख 25 हजार 528 टन उर्वरक के भंडारण कराये जा चुके हावय। एमा 2 लाख 21 हजार 885 टन यूरिया, 90हजार 402 टन डीएपी, 39 हजार 314 टन एनपी, एक लाख 8 हज़ार 522 टन सिंगल सुपर फास्फेट के भंडारण शामिल हावय।