सेलूद, जामगांव, रानीतराई संग दुर्ग म अऊ छह नवा इंग्लिश मीडियम स्कूल शुरू होही..., पूरा पढ़व कहां कहां खुलत हावय

अंजोर.दुर्ग, 29 मई 2021। प्राइवेट स्कूल सहिक सुविधा अउ बढि़या गुणवत्ता के अंग्रेजी शिक्षा दे के उद्देश्य ले शुरू करे गे स्वामी आत्मानंद इंग्लिश मीडियम स्कूल के दायरा जिला म अऊ बढ़ गे हावय। पाछु सत्र म अइसे दस स्कूल म पढ़ाई होए रिहिस, ए बार छह नवा स्कूल जुड़े हावयं अउ स्कूल के संख्या 16 हो गे हावय। नवा सत्र के तइयारी के खातिर स्कूल ल अपग्रेड करे जात हावय अउ नवा कक्षा के जरूरत के मुताबिक अतिरिक्त कक्ष बनाये जाये के योजना भी बनाये गे हावय। ये सब तइयारी के जायजा लेत कलेक्टर ह आज पाटन ब्लाक के वो स्कूल म पहुँचे रिहिस जहाँ इंग्लिश मीडियम स्कूल शुरू होवइया हावयं। 

कलेक्टर ह आज सेलूद, जामगांव आर, जामगांव एम अउ रानीतराई के स्कूल देखिन। इहाँ ओमन सुविधा अपडेट करे के सुझाव दिस। कलेक्टर ह किहिन के पाछु सत्र म जेन रकम ले स्कूल म इंफ्रास्ट्रक्चर तइयार करे गे हावय उंकर मुताबिक इहाँ भी बुता करें ताकि ये स्कूल हर मायने म बढि़या मानदंड स्थापित करें। ओमन किहिन के यदि अतिरिक्त कक्ष के जरूरत होही हावय त येकर खातिर प्लान करें। 

लइका के प्लेग्राउंड, स्पोर्ट्स कार्नर आदि के खातिर भी काम करें ताकि लइका के व्यक्तित्व के समग्र विकास हो सके। येकर अलावा बड़े कक्षा वाला छात्र-छात्रा के खातिर साइंस लैब के बढि़या बेवस्था भी होना चाही। लाइब्रेरी हवादार हो, पर्याप्त लोगन के बैठे अउ अध्ययन के सुविधा हो। किताब के चयन अच्छा हो ताकि लइका के रुचि भी पढ़े म जगे अउ येकर ले उंकर ज्ञान के भी सरलग विस्तार होवत राहय। ओमन डीईओ श्री प्रवास सिंह बघेल ले पाछु सत्र म अउ ए सत्र म एडमिशन के स्थिति के जानकारी भी लिस। कलेक्टर ह इहाँ प्राचार्यों ल किहिन के आप जतका बढि़या नवाचार करना चाहें उंकर सुझाव दे सकत हावयं। इंजीनियर के संग बैठक लेके प्लान कर लें। हमर उद्देश्य ये हावय के हम सबले अच्छा शिक्षा लइका ल उपलब्ध करावन। ए बखत अपर कलेक्टर सुश्री ऋचा प्रकाश चैधरी, जिला पंचायत सीईओ सच्चिदानंद आलोक, सहायक कलेक्टर हेमंत नंदनवार सहित आन अधिकारी उपस्थित रिहिस।