अंजोर.बलौदाबाजार, 25 मई 2021। जिला मुख्यालय बलौदाबाजार म कृषि उपज मंडी के गोदाम ल परिवर्तित करके बनाए गे 500 बिस्तर के कोविड केयर अस्पताल म मरीज मन के मदद खातिर जिला पंचायत बलौदाबाजार ह 20 लाख रूपिया के सहयोग दे हावय। जिला पंचायत अध्यक्ष राकेश वर्मा ह 20 लाख रूपिया के रकम के चेक जिला कलेक्टर सुनील जैन ल सौंपिन। श्री जैन ह सहयोग खातिर सबो सदस्य मन के प्रति आभार व्यक्त करिन। ओमन किहिन के एकजुटता के संग बचाव के नियम के पालन ले ही कोरोना ले बचे जा सकत हावय। ए मउका म सीईओ डॉ फरिहा आलम सिद्दिकी सहित जिला पंचायत के सदस्य गण उपस्थित रिहिस।
जानबा होवय के 120 ऑक्सीजन बेड ले सुसज्जित ए अस्पताल के शुभारंभ ए महीना के 7 तारीख के मुख्यमंत्री भूपेश बघेल ह वीडियो कॉन्फ्रेंसिंग के जरिए करे रिहिस अउ अस्पताल के निर्माण रिकार्ड 20 दिन म करे म जिलावासी मनला बधाई दे रिहिस। मंडी गोदाम के हॉस्पिटल म जनप्रतिनिधी मन, उद्योग, जिला खनिज न्यास फंड, जन सहयोग अउ जिला प्रशासन के सहयोग ले परिवर्तित करे गे हावय। इहां 13 डॉक्टर के टीम तैनात हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।