अंजोर.रायपुर, 27 मई 2021। छत्तीसगढ़ म कोरोना संक्रमण म रोकथाम अउ रोकथाम के खातिर येकर 18 लाख 28 हजार 381 संदिग्ध मरीज मन ल स्वास्थ्य विभाग डहर ले दवई मन के किट बांटे गिस हावय। विभाग डहर ले कोरोना संक्रमण के लक्षण वाला मनखे मन ल लघियात इलाज अउ ओला गंभीर स्थिति म पहुंचे ले बचाये के खातिर मितानिन मन अउ सर्विलेंस टीम डहर ले दवई के किट उपलब्ध कराये हावय। ए किट म आइवरमेक्टिन, डॉक्सीसाइक्लिन, पैरासिटामॉल, विटामिन-सी अउ जिंक के टैबलेट शामिल हावयं। कोविड-19 के संदिग्ध मरीज मन ल दवा किट उपलब्ध कराये के कई जिला म अच्छा परिणाम आए हावयं अउ उहां संक्रमण के दर म गिरावट आये हावय।
स्वास्थ्य विभाग डहर ले प्रदेश म अब तक कोरोना के लक्षण वाला सात लाख 85 हजार 082 लोगन ल दवा किट उपलब्ध कराये गे हावय। जांच केन्द्र अउ अस्पताल मन म कोरोना जांच के खातिर पहुंचे येकर लक्षण वाला सात लाख 34 हजार 879 लोगन ल भी दवा किट मुहैया कराये गे हावय। मितानिन मन अउ सर्विलेंस टीम डहर ले आने-आने क्षेत्र अउ कन्टेनमेंट जोन म एक्टिव सर्विलेंस के बखत मिले तीन लाख आठ हजार 420 मनखे मन ल भी कोरोना के इलाज अउ बचाव के खातिर दवई दे गे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।