रायगढ़ पुलिस हेल्प डेस्क के माध्यम ले जरूरतमंद तक पहुंचावत हाबे राशन

अंजोर.रायगढ़। संक्रमण के फैलाव ल देखत जिला प्रशासन डहर ले लॉकडाउन ल 06 मई के बिहनिया 06:00 बजे तक बढ़ाया गे हावय। 14 मई ले घोषित पूरा लॉकडाउन म पाछु 11 दिन ले जिला पुलिस बल जिला के सबो थानाक्षेत्र म जरूरतमंद ल सूखा राशन अउ पके भोजन पैकेट उपलब्ध करत हावय। जरूरतमंद ल होत परेशानी ले हर कोनो वाकिफ हावय फेर कोविड गाइडलाइन के मुताबिक आमलोगन के जरूरतमंद म भोजन अउ कोनो रकम के सामग्री वितरण के मनाही हावय, जेला देखत पुलिस अधीक्षक संतोष सिंह डहर ले जरूरतमंद के भोजन उक म मदद के खातिर “पुलिस हेल्प डेस्क” सुरू करे गिस संग ही जिलावासी मनके जरूरतमंद के सहयोग के खातिर आगू आए के आह्वान करे गे रिहिस। अपेक्षा के अनुसार जिला के लगभग सबो प्रमुख समाजसेवी, सामाजिक संस्थान, गणमान्य नागरिक अउ औद्योगिक संस्थान सामने आये हावयं, जेकर सहयोग ले पाछु 11 दिन ले पुलिस हेल्प डेस्क के जरिये जिला के आने-आने क्षेत्र म पुलिसकर्मी मन डहर ले करीब 10,300 जरूरतमंद म फूड पैकेट के वितरण करे जा चुके हावय, जेन जारी हावय।