पूर्व सांसद करुणा शुक्ला के निधन, मुख्यमंत्री सहित बड़का नेता मन दिस श्रद्धांजलि

अंजोर.रायपुर, 27 अप्रैल 2021। पूर्व सांसद श्रीमती करुणा शुक्ला अब ये दुनिया म नइ रिहिस। भारत के पूर्व प्रधानमंत्री अटल विहारी वाजपेयी के भती‍जी, स्वच्छ राजनीति के बड़े नेता जेन अविभाजित मध्यप्रदेश म विधायक रिहिन अउ छत्तीसगढ़ बने के बाद तको ओमन संसद के सदस्य रिहिन आज उंकर बिते के आरो पाके सबो बड़का नेता मन दुखी मन ले नमन कर उंकर आत्मा के शांति खातिर प्रार्थना करत परिवार खातिर अपन संवेदना प्रकट करे हावय। ये मउका म प्रदेश के मुखिया दाऊ भूपेश बघेल ह विनम्र श्रद्धांजलि अर्पित करत किहिन के श्रीमती करुणा शुक्ला ले उंकर बहुत ही आत्मीय पारिवारिक रिश्ता रिहिस अउ उंकर सरलग आशीर्वाद मिलत राहय। भगवान उनला अपन गोड़ तरि ठउर देवय अउ सब झिन न दुख सहे के बल देवय।