अंजोर.बेमेतरा। भारत सरकार स्वास्थ्य अउ परिवार कल्याण मंत्रालय नवा दिल्ली डहर ले कौविड-19 ले पीड़ित मरीज मन के उपचार बर जरूरी मेडिकल ऑक्सीेजन के जिला म संचालित अस्पताल मन म सुलभ वितरण अउ परिवहन सुनिश्चित करे बर जिला म मेडिकल ऑक्सीजन कंट्रोल कक्ष बनाये बर निर्देशित करे गे हावय।
कलेक्टर अउ जिला दण्डाधिकारी ह आदेश जारी करके बेमेतरा अन्तर्गत संचालित अस्पताल मन म मेडिकल ऑक्सीजन के सुलभ उपलब्धता अउ सुचारु परिवहन के बेवस्था बर मेडिकल ऑक्सीजन कंट्रोल कक्ष स्थापित करे हावय। जेकर क्रियान्वयन बर-
- कमल सिंह मीणा महाप्रबंधक जिला उद्योग बेमेतरा 7987626095,
- विवेक सिन्हा जिला परिवहन अधिकारी 9981441262,
- डॉ. सतीश शर्मा मुख्यचिकित्सा अउ स्वास्थ्य अधिकारी बेमेतरा 9465246080,
- राजू कुर्रे खाद्य सुरक्षा अधिकारी खाद्य अउ औषधि प्रशासन बेमेतरा 6261633924
के ड्यूटी लगाये गे हावय जेन अस्पताल मन म मेडिकल ऑक्सीजन के उपलब्धता अउ निरंतरता सुनिश्चित करही अउ आपूर्ति न होए के स्थिति म राज्य स्तरीय समिति ले समन्वय करके समस्या के निराकरण करही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।