अंजोर.रायगढ़। भारतीय डाक विभाग पाछू साल सहिक एसो घलो इन्टरनेशनल लेटर राइटिंग पत्र लेखन प्रतियोगिता के आयोजन करे हावय। ये प्रतियोगिता 04 अप्रैल 2021 दिन रविवार ल बिहनिया 10 बजे ले 11 बजे के बीच अधीक्षक डाकघर कार्यालय डहर ले रायगढ़ म आयोजित होही। आवेदन जमा करे के आखरी 31 मार्च 2021 निर्धारित हावय। कोविड-19 के बढ़त प्रसार के सेती परिस्थिति ल ध्यान म रखत जो प्रतिभागी स्वयं के घर ले ये प्रतियोगिता म सम्मिलित होना चाहत हावय, उंकर बर विभाग डहर ले विकल्प प्रदान करे जा गे हावय। अइसे प्रतिभागी अपन पत्र स्पीड पोस्ट के माध्यम ले अमित कुमार सिंह, एडी (फिल), मुख्य पोस्ट मास्टर जनरल, छ.ग.परिमंडल, रायपुर- 492001 के पता म प्रेषित करक सकत हावय, फेर ये पत्र दिनांक 4 अप्रैल 2021 ल समय संझा 6 बजे तक पता म पहुंचना जरूरी हावय।
जानबा होवय के पत्र लेखन प्रतियोगिता के विषय होही Write a letter to a family member about your experience with Covid-19 शब्द सीमा 800 होही। प्रतिभागी ल उत्तर पुस्तिका भारतीय डाक विभाग उपलब्ध कराही। प्रतियोगिता म भाग ले के खातिर शाला के प्राचार्य के माध्यम ले आवेदन करना होही। प्रतिभागी ल आवेदन फॉर्म अउ हॉल परमिट ल पूरा भरके प्राचार्य के सील सहित हस्ताक्षर कराके 3 नवीनतम पासपोर्ट साइज फोटोग्राफ के संग अधीक्षक डाकघर कार्यालय पंजाब नेशनल बैंक के बगल म अनाथालय रोड रायगढ़ म कार्यालय सहायक श्रीमती अनुराधा पटेल के पास कार्यालयीन समय म दिनांक 31 मार्च 2021 तक अनिवार्य रूप ले जमा करना होही। पत्र लेखन प्रतियोगिता म परिमंडल अउ राष्ट्रीय स्तर म आकर्षक पुरस्कार दे जाही। डाकघर अधीक्षक ह जिला के शाला प्राचार्य ल प्रतियोगिता के उच्च स्तर ल देखत चुनिन्दा विद्यार्थी मनके एंट्री 31 मार्च 2021 तक भेजवाये के आग्रह करे हावय। प्रतिभागी के उमर 31 मार्च 2021 के 15 साल या ओकर ले कम होनी चाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।