अचानकमार टाईगर रिजर्व म चीतल के शिकार करइया 4 अपराधी पकड़े गिस

अंजोर.बिलासपुर। अचानकमार टाईगर रिजर्व ले लगे गांव शिवतराई तहसील कोटा जिला बिलासपुर के कुछ संदिग्ध मन डहर ले अचानकमार टाईगर रिजर्व के वन क्षेत्र म अवैध विद्युत कनेक्शन करके वन्यप्राणी के शिकार करे के सूचना ल गंभीरतापूर्वक लेत शिकारी मनला पकड़े बर तीन टीम गठित करे रिहिस। 27 मार्च 2021 ल रात्रि 8 बजे ले शिवतराई गांव के आस-पास के क्षेत्र म गश्त करे गिस अउ शिकारी डहर ले छोड़े साक्ष्य के आधार म पूरा क्षेत्र ल कार्डन करे गिस। रात्रि लगभग 2.30 बजे हार्नेट बाईक म दो मनखे विवेक नेल्शन पिता राजेन्द्र नेल्शन उमर 29 साल अउ नेक्सन जार्ज पिता राबिन्शन जार्ज उमर 35 साल ल घेराबंदी करके लगभग 10 कि.ग्रा. चीतल के मांस के संग पकड़ा गिस। 

अपराधी मनले पूछताछ करके बांचे आन अपराधी संतोश पोर्ते (भूतपर्वू सरपंच शिवतराई), सुरेश उरांव, मुन्ना यादव के घर म 28 मार्च 2021 ल बिहनिया 6.30 बजे सर्च वारंट जारी करके डाग स्क्वायड के माध्यम ले घर अउ बाड़ी के तलाशी ली गिस। अपराधी संतोश पोर्ते के घर ले लगभग 25 कि.ग्रा. चीतल के मांस अउ काटे म उपयोग करे धारदार हथियार मिलिस अउ मुन्ना यादव के घर म तीन-धनुश, जी.आई. वायर अउ क्लच वायर मिलिस। 

अपराधी भुवनेश्वर पोर्ते पिता रूप सिंह उमर 45 साल के डहर ले अवैध रूप ले लगभग 5-7 कि.मी. 11 के.व्ही. वोल्टेज वाले खंभा के जी.आई.तार के माध्यम ले जंगल म फैलाकर विद्युत प्रवाहित कराये रिहिस, जेला पूछताछ के बखत अपराधी डहर ले स्वयं घटना स्थल म बरामद कराये गिस, जेमा म एक नग नर चीतल के शव बरामद करे गिस। पूछताछ के बखत ये तथ्य संज्ञान म आये ले अपराधी हसरत खान बिलासपुर के डहर ले संतोश उरांव, मेक्शन जार्ज अउ विवेक नेल्शन के सहयोग ले 0.22 बोर गन ले एक चीतल के शिकार करे गिस। ये अपराध ले संबंधित अपराधी संतोश पोर्ते (भूतपूर्व सरपंच शिवतराई), सुरेश उरांव अउ हसरत खान फरार हावय, जेकर तलाश करे जात हावय। अवैध शिकार के संबंध म अपराधी मनके विरूद्ध वन्यप्राणी संरक्षण अधिनियम 1972 के धारा 9 के तहत प्रकरण पंजीबद्ध करके न्यायालय के समक्ष प्रकरण प्रस्तुत करे गिस हावय।