टीका के बाद संक्रमित होए म स्थिति गंभीर नइ होही : जवाहर लाल नेहरू मेडिकल एजुकेशन एंड रिसर्च पुडुचेरी

अंजोर.रायपुर। कोविड 19 वैक्सीन के दूनो डोज लगे के बाद भी यदि कोरोना संकमण होथे तो वो ह मामूली होही उतना जादा गंभीर नइ होही। अइसे स्थिति म अस्पताल म भर्ती होए या मृत्यु के संभावनाएं नइ रइही। जवाहर लाल नेहरू इंस्टीट्यूट पोस्ट ग्रेजुएट मेडिकल एजुकेशन एंड रिसर्च पुडुचेरी डहर ले हाल ही म आयोजित सेमिनार म ये तथ्य सामने आये के अब तक लाखों लोगन ल वैक्सीन लगाये गे हावय फेर उंकर बाद भी जिला संक्रमण होइस हावय अइसे लोगन के संख्या दहाई के आंकड़े म ही हावय। येकर ले ये साबित होथे के दोबारा संक्रमण होना दुर्लभ घटना हावय। ए आधार म लोगन ल टीका लगाये ले बचना नइ चाही काबर के वैक्सीन लगाये ले सबो के शरीर म एंटीबाडी बनत हावय अउ प्रतिरक्षा तंत्र मजबूत होथे यदि वैक्सीनेटेड व्यक्ति दोबारा संक्रमित हो भी जाही फेर उंकर स्थिति गंभीर नइ होही, मामूली संक्रमण ही होही। वैक्सीन के दूनो डोज लगाये के बाद भी मास्क लगाना, भीड़ ले बचना जरूरी होही काबर के वैक्सीन शत-प्रतिशत सुरक्षा नइ देत हावय।

सेमीनार म कुछ निश्कर्ष भी सामने आहे के हमार शरीर के प्रतिरक्षा तंत्र एंटीबाडी के संग ही टी सेल भी बनात हावय। ये टी सेल वाईरस के शरीर म प्रवेश करे के बाद हरकत म आत हावय अउ वाईरस ले लड़त हावय। वैज्ञानिक मनके अनुसार जब तक कोनो जनसंख्या के 70 प्रतिशत ल इम्यूनिटी नइ आ जाए, चाहे वो ह वैक्सीन लगा ले हो या प्राकृतिक रूप ले हो, तब तक ए रकम के संक्रमण होही। येकर ले बचने के खातिर पात्र व्यक्तिय ल जल्द ले जल्द वैक्सीन लगवाना, विशेष करके बुजुर्ग ल, सबो ल मास्क लगाना, भीड़ ले बचना, बंद भीड़ वाले जगह म नइ जाना अउ हाथ ल साबुन पानी ले सफाई जरूरी हावय। मिले आरो के मुताबिक सेमीनार म एस जी पी जी आई लखनउ के डॉ अमिता अग्रवाल, वेल्लोर ले डॉ गगनदीप, डॉ. एंडू पोलार्ड, डॉ. संजय वर्मा चंडीगढ़ अउ आन विशेषज्ञ उपस्थित रिहिस।