अंजोर.कोण्डागांव। कोण्डागांव विधायक मोहन मरकाम ह बीजापुर नवा उपतहसील कार्यालय के शुभारंभ करिन। ए बखत जिला पंचायत अध्यक्ष देवचंद मातलाम, कलेक्टर पुष्पेंद्र कुमार मीणा अउ जनपद अध्यक्ष माकड़ी मोतीबाई नेताम, जनपद अध्यक्ष कोण्डागांव शिवलाल मंडावी सहित जिला के आन जनप्रतिनिधिगण उपस्थित रिहिन। समारोह म आए क्षेत्र के ग्रामीण ल विधायक ह उपतहसील कार्यालय स्थापना के शुभकामना दीस अउ उप तहसील कार्यालय के भ्रमण करके ओकर जायजा लिस।
समारोह म जनपद पंचायत अध्यक्ष मोतीबाई नेताम, उपाध्यक्ष गौतम साहू, जिला पंचायत सदस्य हेमलाल बघेल, रमीला मरकाम, जनपद पंचायत सदस्य सुखबती नाग, भिंगूराम कश्यप, ग्राम पंचायत सदस्य गौरचंद बघेल, रदमा बघेल अउ आन जनप्रतिनिधिगण अउ अधिकारी उपस्थित रिहिन हाबे।
जानबा होवय के 28 हजार ले जादा जनसंख्या वाला ए नवा उपतहसील म 21 ग्राम पंचायत अउ 37 आश्रित ग्राम शामिल हावय। येकर अंतर्गत दू राजस्व निरीक्षक मंडल बीजापुर अउ हीरापुर सम्मिलित होही। जेकर अंतर्गत 09 हल्का होही। बीजापुर ल उप तहसील बनाने के घोषणा 27 जनवरी ल कोंगरा म आयोजित आमसभा म राज्य के मुख्यमंत्री भूपेश बघेल डहर ले करे गे रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।