केशला के पटवारी ऋण पुस्तिका अउ नामान्तरण के एवज म रिश्वत मांगिस, एसडीएम करिस निलंबित

अंजोर.बलौदाबाजार। भाटापारा तहसील के अंतर्गत हल्का नम्बर 30 ग्राम केशला के पटवारी श्रीमती भूमिका रानी कन्नौजे ल ऋण पुस्तिका अउ नामान्तरण के एवज म रिश्वत ले के गंभीर शिकायत म भाटापारा एसडीएम ह तत्काल प्रभाव ले निलंबित कर दे हावय। भाटापारा एसडीएम श्रीमती इंदिरा देवहारी ह बताइन के सिविल सेवा आचरण नियम 1965 के नियम 3 के उल्लंघन म उक्त कार्रवाई करे गे हावय। श्रीमती भूमिका रानी कन्नौजे के अतिरिक्त प्रभार पटवारी धीरज पैकरा हल्का नम्बर 46 ल दिए गे हावय। येकर साथ ही निलंबन के अवधि के दौरान ओमन ल केवल जीवन निर्वाह भत्ता प्रदान करे जाही अउ उंकर मुख्यालय तहसील कार्यालय भाटापारा होही।