अंजोर.रायपुर। मुख्यमंत्री भूपेश बघेल के विशेष पहल म पहली बार छत्तीसगढ़ म तृतीय लिंग समुदाय के 13 उम्मीदवार मनके चयन पहली बार पुलिस आरक्षक पद म होए हाबे। तृतीय लिंग समुदाय ले चयनित पुलिस आरक्षक मन ह आज छत्तीसगढ़ राज्य महिला आयोग अध्यक्ष डॉ किरणमयी नायक ले राज्य महिला आयोग कार्यालय म भेंट करिन, आरक्षक बनने म ओमन धन्यवाद दिस अउ आभार प्रकट करिन। महिला आयोग अध्यक्ष डॉ नायक ह तृतीय लिंग समुदाय के सबो आरक्षक मनला के बधाई अउ शुभकामनाएं दीस।
महिला आयोग के अध्यक्ष डॉ नायक ह कहिन के छत्तीसगढ़ देश के पहला राज्य हे, जिहां तृतीय लिंग समुदाय के पुलिस म सेवा के अवसर प्रदान करे गे हावय। मुख्यमंत्री भूपेश बघेल के विशेष पहल म तृतीय लिंग समुदाय ले ये अवसर मिले हाबे। पुलिस के सेवा नागरिक के सुरक्षा अउ सेवा ले जुड़े हाबे। इस सेवा म तृतीय लिंग समुदाय के चयन होवे ले तृतीय लिंग के लोगन के प्रति बने गलत धारणा खत्म होही। लोगन सम्मान के दृष्टि ले ओमन ल देखही अउ आने वाले दिनों म तृतीय लिंग के लोगन के शासकीय सेवा म आये के रुझान बढ़ही। अध्यक्ष डॉ नायक ह ओमन ला पूरा जिम्मेदारी के संग पुलिस के रूप म आम नागरिक के हित म बुता करे के अपील करिन अउ समाज के खातिर मिसाल बने के प्रेरणा दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।