महासमुन्द म दू सरपंच के खिलाफ प्रकरण दर्ज अउ एक सचिव निलंबित

अंजोर.महासमुन्द। बसना जनपद पंचायत के ग्राम पंचायत भंवरचुवा के ग्राम सचिव कपूरचंद ताण्डी ल मुख्य कार्यपालन अधिकारी जिला पंचायत डॉ. रवि मित्तल ह तत्काल प्रभाव ले निलंबित कर दे हावय। जेकर आदेश तको जारी कर दे गे हावय। ताण्डी ल शासकीय कार्य म घोर लापरवाही बरते अउ जनपद पंचायत के बैठक म बिना सूचना के अनुपस्थित रहे अउ अन्य शासकीय कार्य ल शुरू न करना अउ आदेश, निर्देश के अव्हेलना के कारण छत्त्सीगढ़ पंचायत सेवा (अनुशासन अउ अपील) नियम 1999 के नियम के तहत् तत्काल प्रभाव ले निलंबित करे गे हावय। जारी निलंबन अवधि म कपूरचंद ताण्डी के मुख्यालय जिला पंचायत महासुन्द निर्धारति करे गे हावय अउ उन्हें निलंबन अवधि म नियमानुसार जीवन निर्वाह भत्ता के पात्रता होही। 

अइसने जनपद पंचायत पिथौरा के ग्राम पंचायत धनोरा के सरपंच श्रीमती लक्ष्मी पटेल अउ ग्राम पंचायत सानटेमरीके सरपंच श्रीमती रंभा यादव मन उपर मनरेगा कार्य म रूचि न लेना, वित्तीय वर्ष 2020-21 म कराए कार्य के प्रशासकीय स्वीकृत नी कराये आदि के कारण सरपंच श्रीमती लक्ष्मी पटेल अउ श्रीमती रंभा यादव के खिलाफ छत्तीसगढ़ पंचायत राज अधिनियम 1993 के तहत् कार्यवाही करे गे हावय। मुख्य कार्यपालन अधिकारी जिला पंचायत डॉ. रवि मित्तल ह अनुविभागीय अधिकारी राजस्व पिथौरा ल पत्र लिखकर प्रकरण दर्ज करके कार्यवाही करे ल केहे कहा हावय।