अंजोर.बिलासपुर। बिलासपुर के बिलासा देवी एयरपोर्ट म जहाज के उड़ान भरे के परीक्षण करे गिस। अउ मिले आरो के मुताबिक 01 मार्च ले बिलासपुर अउ दिल्ली के बीच विमान सेवा सुरू हो जही। नई दिल्ली ले बिलासपुर खातिर सोमवार, बुधवार, शुक्रवार अउ रविवार के दू फ्लाईटें संचालित होही। पहली फ्लाईट दिल्ली ले रवाना होके जबलपुर होवत मंझनिया 3:20 बजे बिलासपुर पहुंचही अउ 3:45 बजे बिलासपुर ले प्रयागराज होवत वापस दिल्ली लहुंटही। दूसइया फ्लाईट दिल्ली ले प्रयागराज होवत संझा 4 बजे बिलासपुर पहुंचही अउ 4.30 बजे बिलासपुर ले जबलपुर होवत दिल्ली जाही। एयर एलायंस के टेस्टिंग फ्लाईट विमान के आज बिलासपुर के चकरभाटा एयरपोर्ट म पहिली आगमन होइस।
ये मउका म मुख्यमंत्री भूपेश बघेल ह किहिन के आज बिलासपुर एयरपोर्ट के रन-वे टेस्टिंग फ्लाईट के पहिली आगमन हम सब बर खुशी के बात आए। मुख्यमंत्री ह यहू किहिन के बिलासपुर के एयरपोर्ट ह अब बिलासा देवी केंवट एयरपोर्ट के नाम ले जाने जाही। श्री बघेल ह छत्तीसगढ़ मछुआरा समाज अउ मछुआ कल्याण बोर्ड के अध्यक्ष एम. आर. निषाद के आग्रह म ये एयरपोर्ट के नामकरण बिलासा बाई केंवटिन के स्थान म बिलासा देवी केंवट करे जाए म सहमति दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।