अंजोर.धमतरी। क्रेडा कोति ले ऊर्जा संरक्षण म आधारित चित्रकारी अउ स्लोगन प्रतियोगिता म पुरस्कार अउ प्रमाण-पत्र प्रदान करे गिस। प्रभारी अधिकारी क्रेडा ह बताइन के भारत सरकार के ऊर्जा दक्षता ब्यूरो (बी.ई.ई.), विद्युत मंत्रालय अउ क्रेडा रायपुर के निर्देश म जिला स्तरीय ‘ऊर्जा संरक्षण अउ ऊर्जा दक्षता’ विषय म ऑनलाइन चित्रकारी अउ स्लोगन प्रतियोगिता के आयोजन करे गे रिहिस, जेमा श्रेष्ठ चित्रकारी अउ स्लोगन वाले छात्र-छात्रा ल पुरस्कार के तौर म नकद राशि अउ प्रमाण-पत्र प्रदान करे गिस। चित्रकला प्रतियोगिता ग्रुप ए म दिल्ली पब्लिक स्कूल के कक्षा सातवीं के छात्रा कु. अंकिता जैन प्रथम स्थान, कु. अहर्निश सौम्य, केन्द्रीय विद्यालय कुरूद कक्षा-7वीं द्वितीय अउ इशवीर सिंह, दिल्ली पब्लिक स्कूल कक्षा-7वीं ह तृतीय स्थान पाइस।
चित्रकला प्रतियोगिता ग्रुप बी म श्री देवांशु गुप्ता, मेनोनाइट अंग्रेजी स्कूल धमतरी कक्षा-12वीं ह प्रथम, अंजनेय पवार, दिल्ली पब्लिक स्कूल धमतरी, कक्षा-10वीं ह द्वितीय अउ कु. डॉली सोनकर शासकीय उच्चतर माध्यमिक शाला, गोकुलपुर वार्ड धमतरी, कक्षा-12वीं ह तृतीय स्थान आइस।
अइसने स्लोगन प्रतियोगिता ग्रुप ए म कु. पूर्वा साहू, जवाहर नवोदय विद्यालय कुरूद, कक्षा-8वीं ह प्रथम, हर्षित मंडावी, सेंट जेवियर्स सीनियर सेकेंडरी स्कूल कक्षा-6वीं ह द्वितीय व कु. नरगिस कोसले केन्द्रीय विद्यालय, कक्षा-6वीं ह तृतीय स्थान। स्लोगन प्रतियोगिता ग्रुप बी म ईशकुमार, शासकीय उच्चतर माध्यमिक शाला, गोकुलपुर वार्ड धमतरी, कक्षा-12वीं ह प्रथम, देवांशु गुप्ता मेनोनाइट अंग्रेजी स्कूल धमतरी कक्षा-12वीं ह द्वितीय अउ कु. द्रौपती देवांगन शासकीय उच्चतर माध्यमिक विद्यालय चरमुड़िया, कक्षा-11वीं ह तृतीय आइस। सबो विद्यार्थी मनला पुरस्कार अउ प्रमाण पत्र जिला शिक्षा अधिकारी श्रीमती रजनी नेल्सन अउ क्रेडा जिला प्रभारी कमलनारायण पुरेना के कोति ले प्रदान करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।