पारा-मोहल्ला क्लास के निरीक्षण करिन दंतेवाड़ा डीईओ, डीएमसी

अंजोर.दंतेवाड़ा। मार्च 2020 ले कोविड-19 के संक्रमण प्रभाव के सेती जिला के सबो शाला बंद होए ले राज्य शासन के महत्वाकांक्षी योजना ‘पढ़ई तुहर दुआर’ ले पारा मोहल्ला क्लास अउ ज्ञान गंगा के माध्यम ले जिला म कक्षा ऑफ लाईन संचालन करे जात हावय। कलेक्टर दीपक सोनी अउ मुख्य कार्यपालन अधिकारी अश्वनी देवांगन के निर्देशन म जिला शिक्षा अधिकारी, जिला मिशन समन्वयक अउ सहायक परियोजना समन्वयक के विकासखण्ड कटेकल्याण के केउ गांव म पारा मोहल्ला क्लास के अवलोकन करिन। मोखपाल नाकापारा अउ बाजार पारा म मोहल्ला क्लास के जरिए खेमलाल सिन्हा के संचालित क्लास के अवलोकन करिन अउ बच्चा मनके ले दक्षता आधारित सवाल पूछिस जेकर बच्च मन ह जवाब दिस। 

अधिकारी मनह छोटेगुड़ुरा के चालकीपारा, कोटवारपारा अउ एटेपाल के स्कूल म संचालित पारा-मोहल्ला क्लास के सराहना करिन। निरीक्षण म जिला शिक्षा अधिकारी राजेश कर्मा, जिला मिशन समन्वयक एस. एल. शोरी, सहायक परियोजना समन्वयक राजेंद्र पांडे, सहायक खंड शिक्षा अधिकारी राममिलन रावटे, संकुल समन्वयक देवेन्द्र कुमार मोहंती ह सबो शिक्षक मनला प्रोत्साहित करिन हावय  अउ कोविड सुरक्षा मानक के अनुरूप पालन करत बुता करे खोतिर प्रेरित करिन।