गोमका नाला म पुलिया बने ले चेराकुर-बांसपानी वाले मनला आए जाए म होही सोहलियत

अंजोर.जगदलपुर। आधारभूत संरचना के विकास क्षेत्र म आन आर्थिक गतिविधी खातिर जरूरी होथे। अइसन अंचल जिहा नदी-नाल म पुल के कमी के सेती आवागमन के सुविधा नी होए ले शासन-प्रशासन के शासकीय योजना ले वंचित रही जथे। उहां आवागमन के साधन के विकास सरकार के पहिली प्राथमिकता होथे। अइसने एक क्षेत्र बस्तर विकासखंड के अंतिम छोर म बसे चेराकुर-बांसपानी गांव के मध्य गोमका नाला हावय। जेमा ग्रामीण मन आवागमन खातिर लकड़ी ले बनाए पुल के उपयोग करय। ग्रामीण मनके मांग के आधार म प्रशासन ह ओ सड़क अउ पुलिया के निर्माण कार्य खातिर छत्तीसगढ़ ग्रामीण सड़क विकास अभिकरण ल दायित्व दिस। ग्रामीण सड़क विकास अभिकरण ह 60 लाख के राशि ले गोमका नाला म 6 पुलिया निर्माण कार्य कराये हावय। वर्तमान म चेराकुर बांसपानी सड़क के मध्य गोमका नाला म पुलिया निर्माण कराये ले ग्राम वासी मनला अस्पताल, स्कूल, हाट-बाजार, आगनबाड़ी, उचित मूल्य के दुकान आदि ले संबंधित मूलभूत सुविधा उपलब्ध होत हावय।