अंजोर.रायपुर। मुख्यमंत्री भूपेश बघेल ह केन्द्रीय गृह मंत्री अमित शाह ल पत्र लिखकर छत्तीसगढ़ के नक्सल पीड़ित क्षेत्र म म रोजगार उपलब्ध कराये अउ विकास कार्य के लंबित प्रस्ताव ल शीघ्र स्वीकृति प्रदान करे के अनुरोध करिन हावय, उहें ओमन बस्तर ले वामपंथी उग्रवाद के उन्मूलन के खातिर कई नवा प्रस्ताव प्रेषित करत केन्द्र सरकार ले स्वीकृति देने के अनुरोध करिन हावय। मुख्यमंत्री ह किहिन हावय के मोला आशा हावय केन्द्र सरकार के आवश्यक सहयोग ले बस्तर के लोगन के जीवन स्तर म सुधार अउ शांति के रस्ताह बनही।
मुख्यमंत्री ह केन्द्रीय गृह मंत्री ल लिखे पत्र म पाछू महीना के 16 तारीख के होए बइठक के जिक्र करत हुए किहिन के बैठक म नक्सल प्रभावित क्षेत्र म वृहद पैमाना म रोजगार उपलब्ध कराए खातिर कार्ययोजना के जानकारी दीस गे रिहिसे। आप मनले होइए चर्चा मुताबिक राज्य के पूर्व के लंबित प्रस्तावो अउ नवीन प्रस्ताव के विवरण निम्नानुसार हावय-
श्री बघेल ह पत्र म लिखा हावय के विशेष केन्द्रीय सहायता योजना (Special Central Assistance Scheme) ल निरंतरी जारी रखना। Scheme (1028) अंतर्गत 1028 मोबाइल टॉवर के Installation. Special Striking Force ब्लैक पैंथर के तैनाती खातिर एक भारत रक्षित वाहिनी (IR Battalian) के गठन के स्वीकृति। Improving Resolution Of UAV Cameras नक्सल विरोधी अभियान खातिर भारत सरकार कोति ले उपलब्ध कराए गे NTRO UAV म प्रयुक्त कैमरा के Resolution बढ़ाए जाए अउ के.के. लाईन अंतर्गत रेल्वे संपत्ति अउ दोहरीकरण कार्य के सुरक्षा खातिर कुमारसाडरा (जिला बस्तर) अउ कामालूर, जिला दंतेवाड़ा म रेल्वे प्रोटेक्शन सिक्यूरिटी फोर्स (RPSF) के तैनाती करे जाना प्रस्तावित हावय।
अइसने राज्य के बस्तर क्षेत्र म वर्ष 2020 म एल.डब्ल्यू.ई (LWE) योजना के अंतर्गत स्वीकृत 1991 किलोमीटर रस्ताे म ले बांचे रस्ताव निर्माण के खातिर प्रशासकीय स्वीकृति म प्रावधानित आयटम म कार्य पुनरीक्षित स्वीकृति अपेक्षित हावय।
बस्तर अउ एलडब्ल्यूई प्रभावित क्षेत्र म IT & Telecom Infrastructure खातिर टॉवर के संख्या बढ़ाये अउ 3G/4G नेटवर्क के सुविधा लोगन तक पहुंचाये खातिर OFC Connectivity के घाचेत जरूरत हावय।
बोधघाट परियोजना के क्रियान्वयन खातिर डीपीआर तैयार करे के कार्यवाही करे जात हावय। डीपीआर पूरा होए के बाद योजना के क्रियान्वयन खातिर जरूरी राशि के आकलन करे जा सकही। आन सिंचाई योजना के स्वीकृति तको अपेक्षित हावय।
मुख्यमंत्री ह पत्र म लिखे हावय के बस्तर क्षेत्र के 214 बसाहट के लंबित विद्युतीकरण खातिर 63.47 करोड़ रूपिया स्वीकृत करे जाना हावय। अइसने पंप विद्युतीकरण के 5275 प्रकरण खातिर लगभग रूपिया 53 करोड़ स्वीकृत करिन जाना प्रस्तावित हावय। PMGSY-I अंतर्गत पूर्व म Stage-A म स्वीकृति प्राप्त नक्सल प्रभावित 05 जिला के 122 सड़क मनके पूरा होए के बाद ओ सड़क के Stage-B के प्रस्ताव के स्वीकृति अउ 18 नवा बड़का पुल के स्वीकृति भारत सरकार, ग्रामीण विकास मंत्रालय म लंबित हावय, जेकर स्वीकृति अपेक्षित हावय।
नक्सल प्रभावित क्षेत्र म विशेष अभियान के तहत 31 अक्टूबर 2020 तक 141 नवा शाखा/ ATMs खोले गे हाबे। बैंक कोति ले 09 स्थान म अभी तक बैंक शाखा नइ खोले गे हावय, जेकर खातिर बैंक ल आवश्यक निर्देश दे खातिर भारत सरकार के पहल के जरूरत हावय।
वर्ष 2020-21 म न्यूनतम समर्थन मूल्य योजनांतर्गत शासन कोति ले स्वीकृत 38 लघु वनोपज के खरीदी खातिर अउ शेष राशि 100 रूपिया करोड़ अधोसंरचना विकास (मार्ट अउ जिला यूनियन खातिर गोदाम) अउ न्यूनतम समर्थन मूल्य योजनांतर्गत पूर्व वर्ष म हानि प्रतिपूर्ति करना प्रस्तावित हावय।
श्री बघेल ह पत्र म लिखे हावय के केन्द्रीय रेशम बोर्ड, बैंगलोर ल बस्तर संभाग ले Integrated Scheme for Development of Silk Industry ( ISDSI) के तहत कुल राशि 1032.54 लाख रूपिया के कुल प्रस्ताव हावय, जेकर स्वीकृति तको अपेक्षित हावय।
अइसने मॉ दंतेश्वरी प्रोसिसिंग प्लांट के खातिर केन्द्रांश एलोकेशन राशि 72.45 करोड़ रूपिया ल पुनरीक्षित करत हुए केन्द्रांश एलोकेशन राशि 123.48 करोड़ रूपिया करे के अनुरोध भारत सरकार, कृषि, सहकारिता अउ किसान कल्याण मंत्रालय म स्वीकृति खातिर लंबित हावय। मुख्यमंत्री ह बस्तर म वामपंथी उग्रवाद के उन्मूलन खातिर ओ सबो प्रस्ताव म केन्द्र सरकार ले स्वीकृति दे के अनुरोध करत हुए आशा व्यक्त करे हावय के केन्द्र सरकार के आवश्यक सहयोग ले बस्तर के लोगन के जीवन स्तर म सुधार अउ शांति के रस्ताह बन सकही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।