बिजली के बील आधा ले प्रदेश के 38.42 लाख उपभोक्ता ल मिलिस लाभ

अंजोर.रायपुर। छत्तीसगढ़ सरकार के हाफ बिजली बिल योजना ले प्रदेश के लाखो घरेलू बिजली उपभोक्ता के चेहरा म खुशहाली देखे जा सकत हावय। मुख्यमंत्री श्री भूपेश बघेल के नेतृत्व म राज्य सरकार के शुरू के करे योजना के तहत अब तक 38 लाख 42 हजार 50 उपभोक्ता ल छत्तीसगढ़ शासन ह 1336 करोड़ के घरेलू सब्सिडी दे हावय, जेकर ले सीधे-सीधे लोगन के जेब म 1336 करोड़ रूपिया के बचत होए हावय।

जानबा होवय के देश के बिजली हब छत्तीसगढ़ म किसान, गरीब परिवार ल रियायती दर म बिजली आपूर्ति के अनेक योजना संचालित हाबे, पहली बार हाफ बिजली बिल योजना म घरेलू बिजली उपभोक्ता के 400 यूनिट तक के बिल म आधा बिल के राशि म छूट दे हावय। मुख्यमंत्री श्री भूपेश बघेल के विशेष पहल म छत्तीसगढ़ म 1 मार्च 2019 ले हाफ बिजली बिल योजना म घरेलू उपभोक्ता ल प्रति माह 400 यूनिट तक के बिजली खपत म प्रभावशील टैरिफ म 50 प्रतिशत के छूट के पात्रता हावय। ये छूट के समतुल्य राशि राज्य शासन ह विद्युत वितरण कंपनी ल अनुदान के रूप म देत हावय। माह सितंबर 2020 के स्थिति म कुल 38 लाख 42 हजार 50 उपभोक्ता ये योजना के लाभ ले चुके हाबे। मार्च 2019 ले अब तक छत्तीसगढ़ शासन ह 1336 करोड़ के घरेलू सब्सिडी घरेलू उपभोक्ता ल दे हावय।

निम्न अउ मध्यम आय वर्ग के केऊ परिवार घरेलू बिजली उपभोक्ता म शामिल हाबे, जेन बर बिजली बिल पटाना महंगाई के दौर म काफी मुश्किल होत रिहिस। रियायती दर म बिजली आपूर्ति के सुविधा ये वर्ग के खातिर दूर के कौड़ी जइसे रिहिस, येकर विपरीत कुछ वर्ष के अंतराल म बिजली शुल्क म वृद्धि के कारण ये वर्ग के लोगन ल अपन घर के बिजली के बाढ़े बिल ल पटाना पड़े। अइसे बढ़े ले आर्थिक बोझ ल पूरा करे के खातिर ओमन जरुरी खर्च म मजबूरन कटौती करे। मुख्यमंत्री श्री भूपेश बघेल के नेतृत्व म दिसंबर 2018 म गठित नवा सरकार ने घरेलू उपभोक्ता के ये वर्ग के समस्या ल पूरा संवेदनशीलता के साथ महसूस करत अउ ‘सबका साथ-सबका विकास’ के नीति म अमल करत हुए राज्य के सबो घरेलू बिजली उपभोक्ता खातिर 01 मार्च 2019 ले ‘हाफ बिजली बिल योजना’ लागू करके अपना एक बड़ा वादा पूरा करिस।

हाफ बिजली बिल योजना के अंतर्गत राज्य के सबो घरेलू उपभोक्ता ल प्रतिमाह खपत करे 400 यूनिट तक के बिजली म प्रभावशील विद्युत के दर के आधार म आधा बिल के राशि के छूट हावय। पहली उपभोक्ता ल प्रति यूनिट 4.50 रूपिया दे बर पड़े, वर्तमान म 400 यूनिट बिजली खपत म प्रति यूनिट 2.30 रूपिया देही।