‘पहल’ अभियान म प्रेस क्लब, गोंड समाज, पंचायत सचिव, पटवारी अउ अभियंता संघ करिन श्रमदान

अंजोर.बीजापुर। ‘मनवा बीजापुर’ कोति ले ‘पहल’ अभियान म प्रेस क्लब, गोंड समाज सहित पंचायत सचिव, पटवारी संघ अउ अभियंता संघ के पदाधिकारी अउ सदस्य मन ह सक्रिय होके उत्साह के साथ श्रमदान करिन। से सबो झिन ह ‘लोहा डोंगरी’ के ऊपरी हिस्सा म झाड़ी के कटाई करके साफ-सफाई करिन, जेमा अब लोहा डोंगरी के तलहटी जाए खातिर बने रद्दा बनगे हावय। श्रमदान के बखत लोहा डोंगरी के नीचे हिस्सा म ठेकेदार ह केऊ उपकरण ले समतलीकरण अउ साफ-सफाई कराइन। ये बखत क्षेत्र के जनप्रतिनिधी सहित कलेक्टर रितेश कुमार अग्रवाल, डीएफओ अशोक पटेल अउ आन अधिकारी-कर्मचारी, पुलिस अउ सीआरपीएफ के जवान, नगर सेना के जवान के साथ गणमान्य नागरिक मनके तको श्रमदान म उत्साहपूर्वक सहभागिता निभाइस।