कट्टा, पिस्टल, जिंदा कारतूस अउ कारतूस के खाली खोखा के साथ 02 आरोपी गिरफ्तार

अंजोर.रायपुर। रायपुर अपराध म लगाम लगाये खातिर सरलग अपराधी मनके धरपकड़ म लगे हावय। रात के सघन जांच अउ गुंडा बदमास के पड़ताल म पुलिस ल बड़का सफलता मिलत। इही कड़ी म आरो मिले हाबे के कट्टा, पिस्टल, जिंदा कारतूस अउ कारतूस के खाली खोखा के साथ 02 आरोपी के गिरफ्तारी होए हाबे।

कट्टा, पिस्टल अउ जिंदा कारतूस धरे ये आदमी मन कोनो बड़े घटना के फिराक म रिहिन हाबे। अऊ का घटना करे हावय, कइसे से अवैध हथियार ल पाये हाबे ये सब बात के पता तो पुलिस लगातेच हावय। फेर आरोपी मनके गिरफ्तारी ह पुलिस बर सबले बड़े कामयाबी आए। पुलिस कोति ले बताये मुताबिक आरोपी म एक नीरज सोनकर पिता महेन्द्र सोनकर उम्र 28 साल निवासी गणेश चैक भाठागांव पुरानी बस्ती रायपुर बताये गे हावय अउ दूसर आरोपी अमित शर्मा पिता प्रहलाद शर्मा उम्र 35 साल निवासी सुंदर नगर डी.डी. नगर रायपुर हावय। आरोपी मनके गिरफ्तारी के बाद आगू के कार्यवाही चलत हाबे।