प्रदेश के जनता ल मुख्यमंत्री भूपेश बघेल ह दीस धनतेरस के बधाई

अंजोर.रायपुर। मुख्यमंत्री भूपेश बघेल ह प्रदेश के जनता ल धनतेरस पर्व के बधाई अउ शुभकामना दे हावय। ओमन अपन बधाई संदेश म किहिन के धनतेरस ले देवारी तिहार के शुरूआत हो जाथे। ये दिन धन, समृद्धि अउ ऐश्वर्य खातिर धन के देवता कुबेर के साथ भगवान धन्वंतरि के पूजा करे जाथे। श्री बघेल ह धनतेरस म प्रदेशवासी मनके जीवन म सुख, समृद्धि के कामना करत आगू किहिन के धनतेरस के तिहार सबो के जीवन म खुशहाली अउ आरोग्य लेके आवय। संगे संग ओमन अपील तको करिन के खुशी दे अउ ले म बाढ़थे ये सेती देवारी म कुम्हार जइसे हुनरमंद अउ छोटे व्यवसाय करइया मनके दीया, सजावट के समान अऊ आन जिनिस बिसाव जेकर ले उहू मन देवारी मना सके। अऊ सबले बड़े बात कोरोना महामारी ले बचाव खातिर गाइड लाइन के अनिवार्य रूप ले पालन करव।