अंजोर.जांजगीर,29। जांजगीर चांपा जिला के चौकी फगुरम म मुखबिर सूचना के आधार म आरोपी राजेन्द्र कुमार गुलशन पिता दूजराम गुलशन, उम्र 24 वर्ष साकिन पिहरीद थाना मालखरौदा ल पकड़कर पूछताछ करे म ओहा नकली नोट रखना स्वीकार करे हाबे। मिले आरो के मुताबिक आरोपी के कब्जा ले 50 रूपिया के 16 नग अउ 500 रूपिया के 195 नग नकली नोट जप्त करे गे हावय। आरोपी तिर ले नोट छपाई म उपयोग के प्रिंटर, स्कैनर, लैपटॉप अउ अपराध म प्रयुक्त मोटर सायकल आरोपी के कब्जा ले जप्त करके आरोपी के विरूद्ध भादवि के धारा 489(क), 489(ख), 489(ग), 489(घ) के तहत कार्यवाही करके आरोपी ल गिरफ्तार करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।