अंजोर.रायपुर,09। छत्तीसगढ़ राज्य ग्रामीण आजीविका मिशन (बिहान) ह एन.आर.ई.टी.पी. परियोजना के अंतर्गत 62 पद म भर्ती खातिर वरीयता सूची के आधार म पात्र उम्मीदवार मनके सूची अउ उंकर दस्तावेज परीक्षण के समय-सारिणी अपन वेबसाइट म जारी करे हावय। उम्मीदवार ‘बिहान’ के वेबसाइट www.bihan.gov.in म देख सकथे। सबो पद बर दस्तावेज परीक्षण निर्धारित समय-सारिणी के अनुसार नवा रायपुर के सेक्टर-19 स्थित विकास आयुक्त कार्यालय, एसआरएलएम प्रकोष्ठ, विकास भवन, द्वितीय तल म करे जाही।
राज्य ग्रामीण आजीविका मिशन डहर ले एन.आर.ई.टी.पी. परियोजना के तहत मिशन के राज्य कार्यालय, जिला कार्यालय अउ विकासखंड कार्यालय म वरिष्ठ तकनीकी विशेषज्ञ/एसपीएम, तकनीकी विशेषज्ञ/पीएम, जिला तकनीकी विशेषज्ञ/डिस्ट्रिक्ट इंटरप्राइजेस फेलोज, विकासखंड समन्वयक (वित्तीय समावेशन), डॉटा एंट्री ऑपरेटर अउ भृत्य के कुल 62 पद म भर्ती बद विज्ञापन जारी करे गे रिहिसे। जेकर आधार म ऑनलाइन आवेदन के परीक्षण करत निर्धारित शैक्षणिक योग्यता अउ अनुभव के अनुसार वरीयता सूची तइयार करके पात्र उम्मीदवार ल 12 अक्टूबर ले 9 नवम्बर तक दस्तावेज परीक्षण खातिर आमंत्रित करे गे हावय। उम्मीदवार मन दस्तावेज परीक्षण खातिर ऑनलाइन आवेदन म भरे जानकारी के अनुसार सबो प्रमाण-पत्र (सभी सेमेस्टर या वर्ष के अंकसूची सहित) अउ दस्तावेज के मूल प्रति, एक सेट स्वप्रमाणित छायाप्रति के साथ उपस्थित होही, दस्तावेज परीक्षण खातिर उम्मीदवार मनला अलग से बुलावा पत्र जारी नइ करे जाए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।