गांव म दसरहा-देवारी के तइयारी सुरू, दाई-दीदी मन एसो गोबर ले बनावत हाबे दीया

अंजोर.रायपुर,14। गांव म वइसे तो आन साल सहि एसो तको कुम्हार मन माटी के दीया लानही। फेर कोनोरा राई के सेती गांव के दीदी-बहिनी मन नवा बुता सीखे हावय, अपने गांव म स्वरोजगार के उदीम खोजत। इही जोग म अब घर के नानमून जरूरत के जिनिस ल घरे म बना डारथे। एजेंसी ले मिले आरो के मुताबिक दीदी मन लक्ठात तिहार ल देखत गोबर के दीया बनाये के सुरू कर दे हावय। बेमेतरा जिला के नगर पंचायत नवागढ़ के सफाई दीदी स्व-सहायता समूह के महिला मन गोबर के दीया बनाके बेचे के तइयारी म हावय। गोबर ले बने दीया अब प्रचार-प्रसार के सेती बजार म बने दाम म बेचाये के सुरू होगे हावय। अपन कला संस्कृति के सरेखा करे के सुघ्घर उदीम ल दीदी म अब एक दूसर ल तको येकर विधी सीखावत हाबे अउ आत्मनिर्भर बनत हावय।