रायगढ़.08। अपराध नियंत्रण खातिर जतका पुलिस के पेट्रोलिंग, गश्त, पिकेटिंग (पुलिस के मौजूदगी) अउ सर्विलांस जरूरी हावय। ओतके ही लोगन ल अपराध के प्रति जागरूक करना जरूरी हाबे। महिला अउ बाल अपराध के विषय ल लेके रायगढ़ पुलिस कोति ले महिला अउ बाल अपराध म कमी लाने के खातिर पूरा जिला म ‘ऑपरेशन-गूंज’ चलाये जावत हावय। ‘ऑपरेशन-गूंज’ के तहत सबो थानाक्षेत्र म महिला अउ बाल अपराध ले संबंधित जागरूकता वाला बैनर, पोस्टर लगवाये जाथे। डीएसपी गरिमा द्विवेदी ह सबो थाना के महिला डेस्क के अधिकारी-कर्मचारी मनके वर्चुअल मीटिंग लेके ऑपरेशन गूंज अउ महिला डेस्क के बुता के संबंध म आवश्यक दिशा-निर्देश दिस।
आज ‘ऑपरेशन-गूंज’ के तहत डीएसपी गरिमा द्विवेदी, प्रभारी महिला रक्षा टीम प्रधान आरक्षक मंजू मिश्रा अऊ स्टाफ कोति ले बेटी बचाओ, बेटी पढाओ चौंक ले पॉम्पलेट बांटे के शुरूआत करे गिस। ये पॉम्पलेट म महिला संबंधी अपराध के सुझाव के साथ पुलिस कन्ट्रोल रूम, रक्षा टीम अउ आन हेल्प लाइन नम्बर दे हाबे। रक्षा टीम के सदस्य मन शहर के आन-आन चौंक-चौराहा म म महिला अउ लइका मनला पॉम्पलेट बांटिस। कोरोना संकट के बीच जइसे थाना म कार्य जारी हवय वइसने महिला रक्षा टीम के स्टाफ तको केवड़ाबाड़ी कार्यालय म अवइया पीडित महिला, बच्चा के शिकायत के निराकरण करके ओमन ला मार्गदर्शन दे जावत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।