माई दंतेश्वरी मंदिर दंतेवाड़ा तीन दिन रइही बन्द, मंदिर के प्रधान पुजारी दिस सूचना

दंतेवाड़ा.14। दंतेवाड़ा के माई दंतेश्वरी मंदिर आज ले 3 दिन बर बंद रइही। मंदिर के प्रधान पुजारी ह ये बात के आरो करे हाबे के शहर म तको बाढ़त कोविड-19 के संक्रमण अउ ये बीच मंदिर आवत दर्शन करइया मनके येती अब मंदिर म रहइया पुजारी, सेवादार मनला तको संक्रमण के खतरा हो सकत हाबे। इही सेती मंदिर समिति फइसला करे हाबे के स्वास्थ्य  सुरक्षा के सेती 14 सितंबर ले 17 सितंबर तक जय स्तंभ चौक ले माई दंतेश्वरी मंदिर तक बंद रइही। एजेंसी ले मिले आरो के मुताबिक, ये बीच मंदिर परिसर ल सेनेटाईज करत परिसर म रहइया मनके कोरोना जांच तको कराये जाही।