अंजोर.महासमुंद,20। प्रदेश म शराब के गांव-गांव म अवैध बिक्री तो छुटपुछ होते हावय, ये बीच अब आन राज के शराब के बड़े मात्रा म तस्कारी के आरो तको मिलत हाबे। शराब तस्करी के मामला म महासमुंद पुलिस जबर कार्यवाही करत मध्यप्रदेश म बने दारू के बड़का खेप ल पकड़े हावय। समाचार एजेंसी ले मिले आरो के मुताबिक पुलिस ल गुमराह करे खातिर राजस्थान पासिंग ट्रक म पशुआहर के बोरी के बीच छिपाके शराब के तस्करी करे जावत रिहिसे।
जांच म पुलिस ल 0399 पेटी मशाला, 50 पेटी देशी प्लेन, 47 पेटी लंदन प्राइड, 08 पेटी ऑफिसर च्वाईस कुल 504 पेटी मध्यप्रदेश म बने अंग्रेजी अउ देशी शराब कुल लीटर कीमती 30,00,000 रूपिया बताये गे हाबे। जेमा देवी सिंग राजपूत पिता रूप सिंग राजपूत उम्र 48 वर्ष सा. गांव कुडा पो. राम नाथद्वारा जिला राजसमन्व राजस्थान अउ मोहन लाल पिता जैना जो उम्र 60 वर्ष सा. ग्रांम एरिया पो. बरखेड़ा गांगासा तह. गरो एरिया जिला मंदसौर मध्यप्रदेश के गिरफ्तारी होए हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।