आत्मा योजना ले कृषि विभाग ह 25 हितग्राही मनला फोकट म बाटिस 100 किलो मछरी के बीजहा

नारायणपुर.14। जिला प्रशासन कोति ले मछली पालन के बुता ल बढ़ावा देतव किसान मनला अतिरिक्त आय के साधन बनाये के जोंगत कृषि विकास अउ किसान कल्याण, जैव प्रौद्योगिकी विभाग नारायणपुर ह आत्मा योजना के अंतर्गत खोदवाये डबरी-तरिया म मछरी पाले खातिर फोकट म बीजहा बांटे गिस। 

एजेंसी कोति ले‍ मिले आरो के मुताबिक ये योजना ले नारायणपुर जिला के 25 किसान मनला 4-4 किलो के हिसाब से 100 किलो मछरी बीजहा के वितरण करे गिस। जेमा नारायणपुर विकासखण्ड के 15 किसान ल 60 किलो अउ ओरछा विकासखण्ड के 10 किसान ल 40 किलो मछरी बीजहा बांटे गिस।