रायगढ.22। कड़कत बिजली अउ बरसत पानी म सेवा देवइया यातायात पुलिस के जवान मनला झड़ी पानी ल देखत गणेश चतुर्थी के मउका म पुलिस अधीक्षक रायगढ़ श्री संतोष कुमार सिंह कोति ले ट्रांसपरेंट रेनकोट (पारदर्शी बरसाती) बाटे गिस। हालाकि बरसात अब थिराति बेरा म हावय तभो ले अब अइसन समान ले पुलिस ल संबल मिलथे अइसे कहना हाबे अतिरिक्त पुलिस अधीक्षक यातायात अउ उप पुलिस अधीक्षक यातायात रायगढ़ के।
एडिशनल एसपी ट्राफिक श्री राज कुमार मिंज के बताये मुताबिक पुलिस अधीक्षक कोति ले बरसात के पहिली ही रेनकोट बांटे के निर्देश रिहिसे फेर लॉकडाउन अउ कोविड-19 के सेती थोकिन समय लगगे। ये मउका म मैसर्स संजय इंजीनियरिंग कार्पोरेशन रायगढ़ कोति ले 70 नग कालर फैन प्रदान करे गिस। ये स्माल फैन ल आसानी ले शर्ट के कालर म लगाये जा सकत हावय, यातायात कर्मी ड्यूटी करत येकर उपयोग कर सकथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।