Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

गणेश चतुर्थी के प्रदेशवासी मनला शुभकामना दिस राज्यपाल सुश्री अनुसुईया उइके अउ मुख्यमंत्री भूपेश बघेल

रायपुर.21। गणेश चतुर्थी के पावन परब म छत्तीसगढ़वासी मनला राज्यपाल, मुख्यमंत्री संग सबो मंत्री मन बधाई दे हाबे। ये मउका म मुख्यमंत्री ह किहिन के विघ्नहर्ता भगवान गणेश ले प्रदेश के सुख, समृद्धि अउ खुशहाली के प्रार्थना हावय। ये परब ल छत्तीसगढ़ म तको गजब धूमधाम ले मनाये जाथे। स्वतंत्रता संग्राम सेनानी स्वर्गीय श्री बाल गंगाधर तिलक ह स्वतंत्रता संग्राम के बखत राष्ट्रीय चेतना जागृत करे अउ लोगन ल एकता के सूत्र म बांधे खातिर सुरू करे सार्वजनिक गणेश उत्सव अब सामाजिक समरसता के अनूठा उदाहरण बनगे हावय। फेर एसो पूरा विश्व कोरोना संक्रमण ले जंग लड़त हाबे अइसन म आवश्यक सावधानी बरतत, कोविड-19 के बचाव अउ रोकथाम खातिर सबो नियम के कड़ाई ले पालन करना हाबे।

ये मउका म राज्यपाल सुश्री उइके ह अपन शुभकामना संदेश म किहिन के भगवान श्री गणेश विघ्न-विनाशक, ज्ञान अउ बुद्धि के देवता आए। कोनो भी कारज करे के पहिली गणपति के पूजा करे जाथे। अइसन पावन मउका म प्रदेश के नागरिक मनके सुख-समृद्धि, शांति अउ मंगलमय जीवन के कामना करत हाबवं।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285