छत्तीसगढ़ के बेरोजगार युवा मनके नौकरी अउ नियमितिकरण के मांग करत अमित जोगी रखित उपास

रायपुर.23। प्रदेश के बेरोजगार युवा मनके रोजगार अउ गजब अकन रूके भरती के मांग करत आज जनता कांग्रेस छत्तीसगढ़ के प्रदेश अध्यक्ष श्री अमित जोगी ह अपन निवास म उपास रखिन। ओमन पहिली ले आरो करे रिहिन के मुख्यमंत्री श्री भूपेश बघेल के जनम दिन ले प्रदेश के बेरोजगार मनके हक बर अनसन म बइठहूं। 

ये मउका म श्री जोगी ह अपन आधिकारिक ट्वीट म लिखे हावय के आज के उपास म छत्तीसगढ़ के सबो बेरोजगार अउ कर्मचारी संगठन ह एक मंच म आके छत्तीसगढ़ के अनेकता म एकता ल चरितार्थ करे हाबे। रोजगार हमर जन्म सिध्द अधिकार आए अउ हम लेके लइबो। ओमन आगू केहे हाबे के जब तक प्रदेश सरकार ठोस कदम नइ उठाही नौकरी अउ नियमितिकरण के माँग म तब तक मोर उपास रइही।