अम्बिकापुर.24। जिला कलेक्टर के निर्देशानुसार गोठान अउ चारागाह म नेपियर घास लगाये खातिर दू दिनी प्रशिक्षण के शुरूआत आज बिहनिया 11 बजे जनपद पंचायत अम्बिकापुर के ग्राम पंचायत खैरबार म आयोजित करे गिस। ये प्रशिक्षण म जनपद पंचायत अम्बिकापुर, लखनपुर अउ उदयपुर के वरिष्ठ कृषि विस्तार अधिकारी, ग्रामीण कृषि विस्तार अधिकारी संग गोधन न्याय योजना के नोडल अउ सहायक नोडल अधिकारी शामिल होइस। ये मउका म प्रशिक्षण सत्र म गोधन न्याय योजना के जिला प्रभारी श्री यशपाल प्रेक्षा, कृषि विज्ञान केन्द्र के वरिष्ठ कृषि वैज्ञानिक डॉ. रविन्द्र तिग्गा, उप संचालक उद्यान केएस पैकरा, पशु चिकित्सक डॉ. सीके मिश्रा मन जरूरी जानकारी दीस।
जिला स्तरीय प्रक्षेत्र प्रशिक्षण कार्यक्रम म कृषि विज्ञान केन्द्र के वरिष्ठ वैज्ञानिक डॉ. रविन्द्र तिग्गा ह शंकर नेपियर घास लगाये के उन्नत तकनीक के प्रायोगिक तरीका ले प्रशिक्षण दिस। ओमन बताइन के नेपियर घास उत्पादन ले गोठान म पर्याप्त मात्रा म चारा उत्पादित करना हमर प्रमुख उद्देश्य हावय। पशु मन बर हरियर चारा के रोज के पूर्ति ल देखत जिला के सबो गोठान ओसरीपारी नेपियर घास लगाये जावत हाबे। अइवइया 25 अगस्त 2020 के लुण्ड्रा जनपद पंचायत लुण्ड्रा, बतौली, सीतापुर अउ मैनपाट के अधिकारी मनला प्रशिक्षण दिये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।