भारत रत्न, पूर्व प्रधानमंत्री श्रद्धेय अटल बिहारी वाजपेयी जी ल पुण्युतिथि म सादर नमन

सुरता। भारत रत्न पूर्व प्रधानमंत्री श्रद्धेय अटल बिहारी वाजपेयी जी भारत के दसवां प्रधानमंत्री के रूप म देशसेवा करिन। उन राजनेता, कवि, पत्रकार अउ एक प्रखर वक्ता रिहिन। अटल जी भारतीय जनसंघ के संस्थापक सदस्य रिहिन अउ 1968 ले 1973 तक अध्यक्ष तको रेहे हाबे। 

अटल बिहारी वाजपेयी के जनम 25 दिसंबर 1924 के ग्वालियर, मध्य प्रदेश होए रिहिसे अउ ओमन 16 अगस्त  2018 के 93 बछर के उमर म दुनिया ल छोड़के अम्मर होगे। श्री वाजपेयी के सरी जिनगी दूसर बद प्रेरणा के हावय। उंकर कार्यकाल म देश म कतकोन नवाचार होइस, कवि के रूप म तको ओमन के जबर चिन्हारी रि‍हिस। मउका परे म ओमन संसद म तको अपन कविता के माध्यम ले लोगन म भावविभोर कर देवय। अटल जी संसद म पहिली अइसन नेता रिहिन जेकर गोठ ले पक्ष-विपक्ष के सबो सदस्य मन बड़ धीर ले सुनय,गुनय अउ चिंतन करय। जननेता अटल जी ल उंकर पुण्यतिथि के मउका म हमरो कोति ले कोटि-कोटि नमन।

अटल बिहारी वाजपेयी जी ल पुण्युतिथि म सादर नमन