रायपुर.05। राज्य सरकार ह छत्तीसगढ़ राज्य के सीमा मन म स्थापित 16 परिवहन जांच चौकी ल फेर ले सुरू करे के आदेश जारी कर दे हाबे। ये संबंध म परिवहन विभाग कोति ले आदेश मंत्रालय महानदी भवन ले जारी होगे हाब। जानबा होवय के परिवहन विभाग ह 10 अगस्त 2017 ले जारी आदेश के तहत राज्य के सीमा म स्थापित परिवहन जांच चौकी मनला 4 जुलाई 2017 के रात 12 बजे ले पूरा बंर कर दे रिहिसे।
अब सरकार ह फेर ले परिवहन जांच चौकी म पाटेकोहरा, छोटा मानपुर, मानपुर जिला राजनांदगांव, चिल्फी जिला कबीरधाम, खम्हारपाली, बागबाहरा जिला महासमुन्द, केंवची जिला बिलासपुर, धनवार रामानुजगंज जिला बलरामपुर, घुटरीटोला, चांटी जिला लरिया, रेंगारपाली जिला रायगढ़, शंख, लावाकेरा जिला जशपुरनगर, लन्टा जिला सुकमा अउ धनपूंजी जिला जगदलपुर शामिल हावय।
आदेश म केहे गे हावय के संबंधित क्षेत्रीय, अतिरिक्त क्षेत्रीय अउ जिला परिवहन अधिकारी तत्काल परिवहन चेकपोस्ट ल फेरे ले स्थापित करे के कार्यवाही करव। चेकपोस्ट म पदस्थ करे खातिर अधिकारी-कर्मचारी मनके पदस्थापना के संबंध म आदेश अलग ले जारी करे जाही। आदेश के साथ ही परिवहन उड़नदस्ता के संचालन फेर सुरू करे गे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।