नगरीय निकाय के शिक्षक मनके जुलाई महीना के वेतन जारी, हालांकि मार्च के बाद ले स्कूस बंद हावय

रायपुर.29। नगरीय निकाय क्षेत्र अंतर्गत कार्यरत शिक्षक मनके जुलाई महीना के वेतन जारी करे के जानकारी डीपीआर के माध्यम ले देगे हावय। नगरीय प्रशासन विभाग डहर ले ये संबंध म पत्र सबो संबंधित बैंक ल प्रेषित कर देगे हाबे। पत्र के अनुसार 28 जुलाई के 6 करोड़ 92 लाख 64 हजार 183 रूपिया के आबंटन जारी करत विभाग कोति ले बैंक मनला संबंधित निकाय के खाता म राशि हस्तांतरण करे के बाद अवगत कराये ल तको केहे गे हाबे।

जानबा होवय के कोरोना राई के सेती मार्च महीना के बाद ले ही देश के साथ छत्तीसगढ़ के तको स्कूल, कॉलेज बंद हावय। प्रदेश सरकार ह ‘पढ़ई तुंहर दुवार’ के माध्य्म ले ऑनलाइन पढ़ई करावत हाबे। ये एप म स्कूल के लइका ल गुरूजी मन विषयवार अध्यापन कार्य घरे ले करावत हाबे। ग्रामीण क्षेत्र म तको शिक्षक मन पढ़ई बुता के अलावा स्कूल ल कोरेन्टाईन सेन्टर बनाये के उहां सेवा दे हाबे। इही सब सेवा के सेती प्रशासन ह सरलग शिक्षक मनके वेतन बेरा म जारी करत हाबे। नगरीय निकाय के शिक्षक मनके वेतन जारी होए के आरो ले अब राखी तिहार के खर्चा ले ओमन निसफिकिर होगे।