पीएम दौरा म लेह के जनरल अस्पताल के फोटो के संबंध म अऊ उपलब्ध सुविधा के बारे म भारतीय सेना दीस स्पष्टीकरण

नई दिल्ली.04। प्रधानमंत्री श्री नरेन्द्र मोदी ह लेह के जेन जनरल अस्पताल म घायल सैनिक मनला देखे बर गे रिहिसे, उहां उपलब्ध सुविधा के बारे म कुछ वर्ग के केहे बात ह निराधार आए। पीआईबी के माध्यम ले सेना कोति ले ये संबंध म केहे गे हाबे के बहादुर सैनिक मनके उपचार के व्यवस्था ले लेके आशंका व्यक्त करना दुर्भाग्यपूर्ण आए। सशस्त्र बल के सैनिक मनके उपचार खातिर संभव बेहतरीन सुविधा उपलब्ध कराये जावत हाबे। जनरल अस्पताल म दे जावत सेवा आपात स्थिति म 100 बिस्तर के विस्तार क्षमता के हिस्सा आए अउ उहां अस्पताल सामान्य परिसर म हावय। जानबा होवय के प्रधानमंत्री कार्यालय कोति ले जारी फोटो के आधार म ए बात सोशल मीडिया म उठे रिहिसे।  

सेना ह आगू बताये हाबे के कोविड-19 के प्रोटोकोल के तहत जनरल अस्पताल के कुछ वार्ड ल आइसोलेशन वार्ड म परिवर्तित करे बर परिस। अस्पताल ल कोविड समर्पित अस्पताल बनाए जाए के बाद ले इहां आमतौर म एक प्रशिक्षण ऑडियो वीडियो हॉल के रूप म उपयोग होवइया स्थान ल वार्ड म परिवर्तित कर दे गे हाबे। कोविड प्रभावित क्षेत्र ले अवइया मनके क्वारंटीन म रखे जाए के आवश्यकता ल ध्यान म राखत हुए गलवान ले लौटे के बाद ले घायल बहादुर सैनिक मनला इही हॉल म रखे गे हाबे। थल सेनाध्यक्ष जनरल एम एम नरवणे अउ सेना के कमांडर तको घायल सैनिक मनले मिले खातिर इही हॉल म आए रिहिसे।