रायपुर.27। छत्तीसगढ़ म बाढ़त कोरोना के संक्रमण ल देखत अब हॉटस्पॉट क्षेत्र म लॉकडाउन ल अवइया 6 अगस्त तक बढ़ाये के फैसला करे गे हाबे। ये बात के जानकारी मुख्यमंत्री श्री बघेल के आधिकारिक ट्वीट के माध्यम ले देगे हाबे।
अब तक छत्तीसगढ़ म कुल 7613 संक्रमित मिले हाबे जेमा ले 4944 ह बने होगे हाबे। अऊ 2626 झिन के अस्पताल म इलाज चलत हाबे। मउत के आंकड़ा तको धीरे-धीरे बाढ़त हावय अब तक 43 लोगन के मउत होगे। राजधानी रायपुर म सबले जादा 2149 मरीज मिले हाबे जेमा 19 झिन के मउत तको होए हाबे। राजनांदगांव म 537 अउ एक मउत, बिलासपुर म 526 अउ दू के मउत, दुर्ग म 582 अउ 6 मउत के साथ छत्तीउसगढ़ म कोरोना के स्थिति भयानक होवत जात हाबे।
हालांकि जानकार मन लॉकडाउन ल कोरोना बर कारगर उपाय नइ मानत हाबे फेर येकर ले संक्रमण के फैलाव ल जरूर रोके जा सकथे। येकर अलावा शरीर के इम्युनीटी पावर बढ़ाना, बने ढंग ले मास्क लगाना, दूरी म रहना, घेरी-बेरी हाथ धोना घोतेच जरूरी हावय।
छत्तीसगढ़ में कोरोना संक्रमण की रोकथाम और बचाव के लिए हॉटस्पॉट क्षेत्रों में लॉकडाउन की अवधि को अब 6 अगस्त तक के लिए बढ़ाने का निर्णय लिया गया है।— CMO Chhattisgarh (@ChhattisgarhCMO) July 27, 2020
जिलों में कोरोना संक्रमण वाले इलाकों की स्थिति को ध्यान में रखते हुए कलेक्टर स्थानीय स्तर पर लॉकडाउन के संबंध में निर्णय लेंगे। pic.twitter.com/6hEICHvDLS
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।